اسلام آباد۔22اپریل (اے پی پی): وزیر ءِ درئی کار مخدوم شاہ محمود قریشی وتی تر ءُ تاب ایران ءِ سیمی روچ ءَ پنچ شمبے ءَ مشہد ءَ پج ات۔ مشہد ءَ پجگ ءِ پد ءَ آرا ڈپٹی گورنر جنرل خراسان نبی ہور ءَ کت۔ اے موہ ءِ سر ءَ ایران ءَ پاکستانی سفیر رحیم حیات قریشی ءُ ایندگر ٹوھیں کارندہ آئی ھمبراہ اتنت۔ وزیر درئی کار ، مشہد ءَ واجہ امام رضا ءِ قبر ءِ سر ءَ حاضری دنت۔ وزیر ءِ درئی کار مشہد ءَ ، آستان قدس رضوی ءِ متولی، حجتہ الاسلام والمسلمین احمد مروی ءَ گوں گند ءُ نند کت۔ وزیر ءِ درئی کار مشہد ءَ استیں پاکستانی قونصل خانہ ءِ تر ءُ تاب ءَ کنت ءُ آھودا پوسٹیں پاکستانی سفارت کار ءُ ایندگر سفارتی کارندہ آں گوں گند ءُ نند کنت انت۔
