نوشہرہ۔ 21اپریل (اے پی پی) وزیراعظم عمران خان کم کٹیا کروک بندغ آتے کن جلوزئی ہاؤسنگ اسکیم نا بنداو ءِ تخانے۔ چارشنبے نادے آ وزیراعظم نوشہرہ نا دورہ ءِ کرے۔ داوخت آ گورنر خیبرپختونخوا شاہ فرمان، وزیراعلیٰ محمود خان و بنجائی وزیر مواصلات مراد سعید ئسک ہم ساڑی ئسر۔ وزیراعظم ءِ ڈٹ انا بابت سرجم حوال تننگا۔ ڈٹ انا رداٹ کم کٹیا کروک بندغ آتے کن 1320اپارٹمنٹ 18تُو انا گونڈ ءُ وخت اسے ٹی تفنگک و قرعہ اندازی نا کمک اٹ اوفتا چابی تے بشخنگک۔ وزیراعظم ڈٹ انا بنداو ءِ تخنگ آن مست کلین اینڈ گرین پاکستان مہم نا رداٹ نیال اس ہم خلک۔
