اسلام آباد۔ 21اپریل (اے پی پی) چیئرمین کشمیر کمیٹی شہریار خان آفریدی علامہ اقبال نا برسی نا وخت آ تیناکلہو اٹی پارے کہ اینو اسہ دانشور، فلسفی و شاعر اسے نا برسی نادے ءِ۔ شہریارخان آفریدی پارے کہ نن علامہ محمد اقبال ءِ اونا خذمت آتیا خراج تحسین پیش کینہ، علامہ اقبال نظریہ پاکستان نا بنداو ءِ تخسا تعمیر پاکستان ءِ ممکن کرے۔ شہریار خان آفریدی پارے کہ علامہ اقبال کشمیر و کشمیری الس نا سفیر نا حیثیت اٹ ہم خذمت سرترسا کرے۔ علامہ اقبال نا کتاب ارمغان حجاز نا زیات تر بشخ کشمیر کن ءِ۔ شہریار خان آفریدی پارے کہ علامہ اقبال 1908اٹ انجمن کشمیر مسلمانان نا سیکرٹری ہم رہینگا، داڑآن پاش مریک کہ اونا است گل زمین کشمیر کن ہروخت دعا کریکہ۔
