اسلام آباد۔ 21اپریل (اے پی پی) پاکستان تحریک انصاف شاہد خاقان عباسی آن معافی خواہنگ نا خواست کرسا پارینے کہ اسپیکر قومی اسمبلی اونا ایوان اٹی پترینگ انگ آ پابندی خلے۔ چارشنبے نادے آ وزیراعظم نا خصوصی کمکار سیاسی امورڈاکٹر شہباز گل قومی اسمبلی نا باسک صداقت علی عباسی تون اوار پریس کانفرنس کرسا پارے کہ وزیراعظم عمران خان نا کنڈآن پشاور اٹی پوسکن آ پاکستان ہاؤسنگ اسکیم نا رداٹ 1320اُراتا مالکانہ حق تننگ، ٹیچنگ ہسپتال پشاور اٹی اوپی ڈی نا بنا، چترال شندور153کلومیٹر مریس سڑک ڈٹ و پشاور درہ آدم خیل روڈ انا تفنگ نا ڈٹ آتا بناءِ کننگ دا ہیت انا ڈیک ءِ کہ حکومت تینا قول آتیا عمل کننگ ءِ۔ اوپارے کہ وزیراعظم پشاور نا دورہ ٹی احساس پروگرام، لنگرخانہ و ایلو صوبائی باندات آتا جاچ ءِ ہلیک۔ خصوصی کمکار پارے کہ شاہد خاقان عباسی پارلیمنٹ اٹ ہرا زبان ءِ کاریم اٹ ایس او اسہ وڑاسے ٹی ہم پارلیمانی کلچر اف۔ اوپارے کہ اونا مدمقابل اومیتدار صداقت علی عباسی گچین کاری تیٹی حلقہ ٹی غٹ آن زیات وونٹ ہلکوسس داوخت آ گپ وتران کرسا قومی اسمبلی نا باسک صداقت علی عباسی پارے کہ شاہد خاقان عباسی بیدس سوب اسے آن اسپیکر قومی اسمبلی ءِ چوٹ اس خلنگ نا ہیت ءِ کرے اونا دا حرکت آن خطہ پوٹھوہار و کوہسار نا الس نا است آزاری مسنے ہراڑآ اوفتیان معذرت خواہ اُٹ۔ اوپارے کہ شاہدخاقان عباسی ہراوڑ ایوان اٹ رویہ اختیار کرے دا غیر سیاسی، غیر جمہوری و غیر اخلاقی ءِ۔ میڈیا ہم داوڑناحرکت کروک آتا حوصلہ شکنی ءِ بایدے کے۔ نن دلیل اٹ بایدے ہیت کین۔ شاہد خاقان عباسی برانز نا وخت آ ہم مخلوق نا کنڈآخلنگ کن نرسا ہنا، پارلیمنٹ اٹ داوڑ نا مخلوق مریک تو الس اٹ بے سگی ودک۔ اوپارے کہ پارلیمنٹ پارلیمانی جمہوریت نا ممبر و محراب ءِ و اسپیکر اونا امام ءِ۔ شاہد خاقان عباسی تینا رویہ غا اسپیکر قومی اسمبلی، پارلیمنٹ و مچ آ قوم آن معافی خوائے۔ اوپارے کہ اسپیکر قومی اسمبلی اونا ایونا اٹ پترینگ انگ آ پابندی خلے۔ مسلم لیگ ن اودے السی نمائندگی تف۔ پیپلزپارٹی و ایلو سیاسی جماعت آک اوڑتون ہیت کپس۔ اوپارے کہ شاہد خاقان عباسی نا نوٹس ءِ پاکستان پیپلزپارٹی کپ کرے خسا۔ شاہد خاقان اوفتیان معافی خواہا۔ اوپارے کہ دا باندات آ پارلیمنٹ اٹی ہم توار بڑز کینہ۔ قومی اسمبلی ٹی کس اسے ہیت کننگ نا موکل تننگ و تفننگ اسپیکر نا اختیار ءِ۔دا معاملہ غا اسپیکر صبر و تحمل نا درشانی ءِ کرے۔
