کوئٹہ۔ 21اپریل (اے پی پی) صوبائی وزیر کن و خور سردار عبدالرحمان کھیتران پارینے کہ محکمہ خور انا کنڈآن زمیندار آتے 10 لکھ گونی فراوان کننگ انگ ءِ ہرانا بدلہ زمیندار آتیان 3 سد روپئی فی گونی سیکورٹی ہلنگک ہرافتے اوکان پد پدی تننگک۔ داخیال آتا درشانی ءِ او چارشنبے نادے آ ”اے پی پی“ تون گپ وتران کرسا کرے۔ اوپارے کہ محکمہ کن و خور صوبہ نا گرج آتا رداٹ خولم ہلنگ نا ڈٹ بندی اس کرینے و خولم نا ہلنگ نا بابت غٹ تر بست وبند آتے پورو کننگانے۔ اوپارے کہ محکمہ خور انا کنڈآن زمیندار آتے 10 لکھ گونی فراوان کننگ انگ ءِ و زمیندار آتیان فی گونی 300 روپئی سیکورٹی نا مد اٹ ہلنگک واوکان پد خولم نا سپلائی کننگ آن پد دا زر ءِ اوفتے پدی تننگک۔ اسہ سوج اسے نا ورندی ٹی سردار عبدالرحمان کھیتران پارے کہ ڈویژنل و ضلعی کہول آ اگہ بے ڈولی اس مس تو تعلقدار عملہ نا برخلاف سخت کارروائی کننگک۔ اسہ سوج اسے نا ورندی ٹی اوپارے کہ گڑاس زموار تینا جند انا فائدہ غاتے کن محکمہ کن و خور انا برخلاف منفی پروپیگنڈا کننگ ءُ اگہ اوفتے تون شاہدی اس ارے تو اوفتے مون آ اتیر۔
