کوئٹہ۔ 21اپریل (اے پی پی) بلوچستان اٹی اینو آن 50 آن 59 سال انا وئی نا بندغ آتے کورونا دین آن بچفنگ نا ویکسین خلنگ ناعمل نا بناءِ کننگانے۔ پارلیمانی سیکرٹری جان جوڑی ڈاکٹر ربابہ خان بلیدی پارے کہ این سی او سی بلوچستان کن 50 آن 59 سال انا وئی نا بندغ آتے کن طے کروک شڑ ت آتے ٹی خصوصی رعایت تسنے۔ ہرافتا رداٹ داوڑنا بندغ آتے پیشگی رجسٹریشن آن مستثنیٰ گوندنگانے و اوفتا کوویڈ ویکسین رجسٹریشن ہمووخت آ تعلقدار سینٹر آ ہی بے تاخیر آن کننگک پارلیمانی سیکرٹری جان جوڑی پارے کہ 50 آن 59 سال انا وئی نا بندغ آک خڑک انا ویکسی نیشن سینٹر آ برسا دا حکومتی گام گیج آتیان فائدہ ہرفنگ کیرہ۔ ہڑتوم آ ڈوز آتا پوروی آ پک ویکسین سرٹیفکیٹ ہم تننگک۔ اوپارے کہ کورونا دین انا جان ہلوک دین آن بچفنگ کن بلوچستان اٹی ریسہ وار ایج گروپ نا رداٹ اسٹریٹجی آ عملدرآمد کننگ انگ ءِ حکومت بلوچستان نا کنڈآن الس ءِ کورونا دین آن بچفنگ نا ویکسین مقرر کروکویکسینیشن ہند آتیا بے معاوضہ غان فراوان کننگ انگ ءِ۔
