کوئٹہ۔ 21اپریل (اے پی پی) اسسٹنٹ کمشنر ثناماہ جبین پارینے کہ چھاپہ ٹی ہزار آ لیٹر کیمیکل اوار کروک پاڷ دوئی کرسا ڈھیری فارم و دوکان تے سیل کرسا دوکاندارتے دزگیر کرین۔ داہیت ءِ او بلوچستان فوڈ اتھارٹی نا ڈپٹی ڈائریکٹر تون اوار چندی ڈھیری فارم تیا چھاپہ نا وخت آ گپ وتران کرسا پارے۔ بلوچستان فوڈ اتھارٹی نا ڈپٹی ڈائریکٹر و اسسٹنٹ کمشنر ثنا ماہ جبین نا پاڷ بہاکروک دوکان و ڈھیری فارم تیا چھاپہ خلسا ہزار آ لیٹر کیمیکل پاڷ آتے تلف کرے و ڈھیری فارم و دوکان تیان ملوک آ پاڷ تے ہم تلف کننگا۔ اسسٹنٹ کمشنر ثنا ماہ جبین پارے کہ شار و ایب وکیب اٹی کیمیکل پاڷ بہا کننگ وشاری تا غاوتیا چھاپہ خلنگانے انسان تا زند اتون کس اسے گوازی کننگ نا موکل تفنہ چائے او کیمیکل پاڷ بہاکروک آک مریر یا تو ایلو کنوئی آ گڑاتے ٹی اوار سوار کرسا بہاکروک آ مخلوق آک مریر دا غٹ انا برخلاف کارروائی کننگک۔
