کوئٹہ۔ 21اپریل (اے پی پی) بی آر ایس پی کورونا دین آن بچفنگ کن الس اٹ شعورو آگاہی مہم نا بناءِ کرینے مہم اٹی کوئٹہ ٹی اے پی ایل استاد، اسکالر و ورناتا کمک اٹ الس اٹ بیداری مہم نا بناءِ کننگانے۔ بی آر ایس پی نا ترجمان پارینے کہ کورونا دین انا ارٹ میکو ریسہ بھاز زیات ترندی اٹ تالان مننگ ءِ بدبختی اٹ صوبہ نا اسہ بھلو آبادی اس دا حقیقت ءِ گوجالنگ اٹی ءِ۔ ترجمان پارے کہ بی آر ایس پی الس اٹ کورونا دین آن بچفنگ کن شعور و آگاہی ودی کننگ کن اے ایکل پی استاد، اسکالر ورناتا کمک اٹ خصوصی مہم نا بناءِ کرینے ہراٹی الس ءِ کورونا دین آن بچفنگ کن ماسک انا بشخنگ و آگاہی بینرو پینا فلیکس خلنگک۔ ترجمان پارے کہ کوئٹہ شار انا 20 آن زیات بھلا مسیت آتے ٹی کورونا دین آن بچفنگ نا بابت رکھی گام گیج آتیا تالان بینرخلنگ انگ ءِ ہراٹی دا کلہو ءِ تننگانے کہ الس بھلا مذہبی مچی تیان بچر، راجی فاصلہ ءِ برقرار تخر، وار وار آ دوتے سلر و ماسک ءِ کاریم اٹ اتیر تانکہ کورونا دین آن رکھ مننگ کیر۔
