نوشہرہ۔21اپریل (اے پی پی): مزن وزیر عمران خان ءَ کمو کٹ کنوکیں مردم آنی واستہ جلوزئی ہائوسنگ سکیم ءِ بن ھشت ایر کت۔ چار شمبے ءَ مزن وزیر ءَ نوشہرہ ءِ تر ءُ تاب کت۔ اے موہ ءِ سر ءَ گورنر خیبر پختونخوا شاہ فرمان، سر وزیر محمود خان ءُ بنجاھی وزیر رسانک مراد سعید ھم ساڑی ات۔ مزن وزیر ءَ را منصوبگ ءِ بابت ءَ سرجمیں بریفنگ دیگ بوت۔ منصوبگ ءِ چیر دستی ءَ کمو کٹ کنوکیں مردم آنی واستہ 1320 اپارٹمنٹس 18 ماہ ءِ کسانوکیں وھد ءُ پاس ءَ جوڑ کنگ بنت ءُ لاٹری ءِ وسیلگ ءَ ایشانی کلیت بھر ءُ بانگ کنگ بنت۔ مزن وزیر ءَ منصوبگ ءِ بن ھشت ایر کنگ ءَ چہ پیسر کلین اینڈ گرین پاکستان گامگیج ءِ چیر دستی ءَ پُل آنی نہال کشت۔
