رپوٹ : رخشندہ تاج بلوچ
نیک راھی سیل ءُ سواد میاں اوستمانی تک ءَ معیشت ءِ دیمروئی ءِ واستہ یک ارزشتی ایں کردے رنگ ءَ سہرا بوھگ ءَ انت۔ سرجمیں دگنیا ءَ جتا جتائیں نیک راھی منوک آنی لکھانی مردم نیک راھی فرض آنی پیلو کنگ ءُ روحانی ایمنی ءِ واستہ ھمک سال پاکیں ھند ءُ جاھ آنی نیمگ ءَ سفر کن انت۔ ھمک سال 300 ءَ بگر تاں 330 ملین سیل ءُ سوادی مردم جتا جتائیں نیمگ راھی ھند آں رونت ایشی ءَ چہ اربانی ڈالر کٹ کنگ بیت کنت۔ پاکستان دگنیا ءِ جتا جتائیں کوھنیں سیویلائزیشن ءِ بنجاہ انت ءُ یک انچیں پڑے ءَ است کہ ایش دگنیا ءِ سئے ٹوھیں نیک راھی ہندومت، بدھ مت ءُ سکھ مت ءِ منوک آنی ہزارانی سال کوھنیں تاریخی ءُ نیک راھی ھند آنی بازیں کساس ءِ است انت۔ بلے ایشی ءَ چہ ابید پاکستان ء، سیل ءُ سواد ءِ شوبگ بھارت ، ترکی ، سری لنکا ءُ پڑے دومی ملک آں چہ باز پشت انت، ایشی یے یک ٹوھیں سبب ءِ سیکورٹی ءِ جیڈھ فنڈز آنی کمی، دلگوش نہ کنگ ءِ جیڈھ انت، ھاسیں رنگ ءَ نائن الیون ءِ واکیہ ءَ چہ پد پاکستنا ء، سیل ءُ سواد ءِ انڈسٹری ءَ را سک باز تاوان رستگ۔
اے رد ءَ سرجمیں ملک ءَ سیل ءُ سواد ءِ دیمروئی ءِ واستہ ویزا پالیشی ءَ نرمی، سیل ءُ سواد ءَ را دلگوش کنگ ءِ واستہ سیل ءُ سواد ءِ ھوالگ ءَ ازمت ءُ آسراتی آنی پجاری ءَ را دل یکیمی جوڑ کنگ ءِ ضلورت سما کنگ بوھگ ءَ انت۔ استیں حکومت ءِ مھکمیں گامگیج ءَ چہ پاکستان برجمیں رنگ ءَ سیل ءُ سواد ءِ پڑ ءَ دیمروئی کنگ ءَ انت ایشی ءِ یک درور ءِ کرتار پور کشک انت ایشی ءِ سرجمی ءَ ناں ایوک ءَ سکھ آنی دل آناں باج بُرتگ بلکینگ ءَ پاکستان ءَ نیک راھی سیل ءُسواد ءِ دیمروئی ءَ نوکیں کشک ھم پچ کتگ۔ ھمے رنگ ءَ بدھ مت ءِ مڈی آنی بابت ءَ تران بکن آں گڈا سرجمیں پاکستان ءَ بدھ مت نیک راھ ءِ منوک آنی واستہ ہزارانی سال کوھنیں نیک راھی ھند است انت ایشانی برجائی ءِ واستہ حکومت ھاسیں دلگوشی دیگ ءَ انت۔
مزن وزیر عمران خان ءَ 2018 ءَ سروکی ءِ گرگ ءَ پد ملک ءِ معیشت ءَ را دیمروئی دیگ ءُ سرجمیں دگنیا ءَ پاکستان ءِ امیج ءَ را گہتر کنگ ءِ واستہ نیک راھی سیل ءُ سواد ءَ را دیمروئی دیگ ءِ ضلورت ءِ سر ءَ زور پر دات۔ سری لنکا ءِ استیں سرکاری تر ءُ تاب ءَ مزن وزیر عمران خان ءَ سری لنکن بدھ بھکشو، آناں دعوت داتگ کہ آ بیا انت ءُ پاکستان ءَ وتی شرپ مندیں جاہ آں بچار انت۔ مزن وزیر عمران خان ءِ ھاسیں دعوت ءُ سری لنکا ءَ پاکستان ہائی کمیشن ءِ کمک ءَ چہ 19 اپریل 2021 ءَ چہ بدھ مت نیک راھ ءَ گوں سیادی داروکیں مردم پاکستان ءَ تر ءُ تاب ءَ اتکگ انت۔ اے شمبے ءِ روچ ءَ وتی شرپ مندیں جاھ آنی تر ءُ تاب ءَ کن انت۔ ایشانی تر ءُ تاب ءَ چہ امیت گیش کنگ بیت اے پڑ جوانیں دیمروئی کنت چیا کہ پاکستان باز کوھنیں سیویلائزیشن آنی بنجاہ انت ، ایش انوگ ءَ تاں دگنیا ءِ نظر ءَ چہ گستا بوتگ، سری لنکن ڈل ءِ استیں تر ءُ تاب ءَ چہ ایشی ءِ ارزشت ءِ تہ ءَ گیشی بیت۔
بدھ مت ڈل ءِ سروکی ءَ ڈاکٹر والپول پیانند تھیرو کنگ ءَ انت۔ اے ڈل وتی دو روچی تر ءُ تاب لاہور ءَ ابید اسلام آباد، ٹیکسلا، شہباز گڑھی، تخت بھائی ءُ جہان آباد (سوات) ءَ رونت۔ بدھ مت نیک راھی پیشوک آنی اے ڈل وزارت ءِ نیک راھی کار ءُ نیک راھ آنی وت مہ وتی نزیکی ءِ محکمہ آنی کارندہ ایشانی گوما گند ءُ نند کن انت ءُ بنجاھی دارالحکومت ءَ وتی تر ءُ تاب ءِ ساھت ءَ صدر ءِ مملکت ڈاکٹر عارف علوی ءُ مزن وزیر عمران خان ءَ گوں گند ءُ نند کنگ ءَ انت۔
سری کنکا ءِ دارالحکومت لولمبو ءَ پاکستانی ہائی کمیشن ءِ سیکنڈ سیکرٹری عائشہ ابوبکر فہد ءَ گوشت کہ دنیا ءَ بازیں مردم نہ زان انت کہ پاکستان گندھارا ءِ سیویلائزیشن ءُ بدھ مت سیویلائزیشن ءِ بنجاھ انت۔ آئی ءَ گوشت کہ مزن وزیر عمران خان ءِ وژن ءِ رد ءَ نیک راھی سیل ءُ سواد آنی دیمروئی ءُ گران بھائیں کٹ ءِ در کنگ ءِ واستہ واستہ ما بدھ مت ءِ نیک راھی پیشوک آناں پاکستان ءِ تر ءُ تاب کنگ ءُ ملک ءَ استیں تاریخی مڈی ءَ را چارگ ءِ دعوت داتگ تانکہ آ بازیں شرپ مندیں بدھ مت ءَ نیک راھی ھند آنان بچار انت ءُ وتی نیک راھی سروک مہاتما بدھ ءِ شرپ مندیں ھند ءُ جاھ آنی زیارت ءَ بکن انت۔
ڈاکٹر وال پیول پیانند تھیرو ءَ گوشت کہ مارا اے گندگ ءَ چہ سک باز وشی بوتگ بل ات کہ پاکستانی مردم بدھ مت نیک راھ ءِ منوک نہ انت بلے ایشی ءَ ابید آواں مہاتما بدھ ءِ بُت ، بدھ مت آت ءُ بدھ مت ءِ تاریخی مڈی ءُ جوڑیشتی ازمکار آناں محفوظ کتگ۔
ڈل ءِ باسک اددوے دھملوکا تھیرو ءَ گوشت کہ بدھ مت ءُ گندھارا سیویلائزیشن ءِ تاریخ ہزارانی سال کوھن انت۔ مئے اے تر ءُ تاب بدھ نیک راھ ءُ پاکستان ءِ سرڈگار ءِ نیام ءَ سدانی سال کوھنین انت اے یکوئی آناں گیش دیمروئی رسیت۔ آئی ءَ گوشت کہ مارا پاکستان ء، ایمنی ءُ سلامتی ءُ سیکورٹی ءِ جاور ھال آنی ھولگ ءَ لستیں ترس ءُ بیم است بلے پاکستان ءَ پجگ ءَ پد مئے توامیں ترس ءُ بیم دور اتکگ انت۔ آئی ءَ گوشت کہ بدھ مت ءِ آیگ ءَ چہ لاکھانی مالیت ءِ زر امبار کٹ کنگ بیت کنت۔ آئی ءَ گوشت کہ اے پاکستانی راج ءِ وش بھتی انت کہ آواناں عمران خان وڑیں دور چاریں مزن وزیر ء لیڈر ءِ رستگ۔
لاہور میوزیم ءِ ڈائریکٹر اعجاز احمد منہاس ءَ تر ءُ تاب ءِ موہ ءَ گوشت کہ ڈل ءَ ھواریں بدھ بھکشو وتی جوانیں گوست ءِ میراس ءُ مڈی ءُ نیک راھی ھند آںی چارگ ءِ واستہ پاکستان ءَ آیگ ءِ پد ءَ سک باز گل ء شات گندگ بوھگ ءَ انت۔ اعجاز احمد منہاس ءَ گوشت کہ ڈل ءَ ھواریں بدھ پیشوک آں مزن وزیر عمران خان ءِ شگر ءُ منت گران ءَ گوشتگ کہ ھما جاھ ءُ ھند آںی بابت ءَ ما ایوک ءَ تاریخی کتاب آنی اندر ءَ ونتگ بوتگ مرچی ایشاناں وتی چماں گوں چارگ ءِ موہ رستگ۔ ایشی ءِ پد ءَ پاکستانی حکومت ءُ ھاسیں رنگ ءَ مزن وزیر عمران خان ءِ سک باز شگر ءُ منت وار آں۔ آئی ءَ گوشت کہ اے تر ءُ تاب ءِ مول ءُ مراد سیل ءُ سواد ءَ را دیمروئی دیگ انت۔ ڈل ءَ ھواریں بدھ مت نیک راھی سروک سرجمیں دگنیا ءَ گوں سیادی دار انت۔ واپس روگ ءَ چہ پد پاکستان ءِ بابت ءَ واھگ ءُ نیک راھی واھشت آنی کلوہ آں شنگ ءُ تالان کن انت۔
آئی ءَ گوشت کہ امیت انت کہ اے تر ءُ تاب ءَ چہ آیوکیں روچ آں بدھ مت ءَ گوں سیادی داروکیں مردم آنی مزنیں کساس ءِ اے بدھ مت مڈی ءَ را چارگ ءِ واستہ پاکستان ءَ اتکگ انت ، ایشاں چہ ناں ایوک ءَ زر کٹ کنگ بیت بلکینگ ءَ سرجمیں دگنیا ءَ پاکستان ءِ پازیٹیو پجار سہرا بیت۔
