اسلام آباد۔ 20اپریل (اے پی پی) صدر مملکت ڈاکٹر عارف علوی نا پارت آ 2020ء ٹی زہمی انشورنس پالیسی ہولڈر آتے 2.13ارب روپئی نا ریلیف فراوان کننگانے۔ سے شنبے نادے آ ایوان صدر نا پریس ونگ آن جاری اعلامیہ نارداٹ صدر عارف علوی تون بنجائی انشورنس محتسب ڈاکٹر محمد خاور جمیل اوڑدہی کرے۔ بنجائی انشورنس محتسب سال 2020ء نا رپورٹءِ صدر مملکت ءِ پیش کرے۔ رپورٹ اٹی پاننگاکہ صدر پاکستان نا پارت نا رداٹ سال 2020ء ٹی زہمی انشورنس پالیسی ہولڈر آتے 2.13ارب روپئی نا ریلیف فراوان کننگا۔ سال 2020ء ٹی 3107وخت اس کہ 2019ء ٹی 2441غاو دوئی مس، رپورٹ اٹی مستی پاننگانے کہ کورونا دین آن پد ہم سال 2020ء ٹی 2183غاوتا ازالہ ءِ کننگا۔ صدر مملکت ڈاکٹر عارف علوی پارے کہ بنجائی محتسب انشورنس پالیسی ہولڈر آتا فائدہ غاتا رکھ ءِ پک کے۔ بنجائی محتسب انڈسٹری نا بدانتظامی نابرخلاف دمدستی انصاف نا فراوانی ءِ پک کے، اوپارے کہ انشورنس کمپنی تا بدانتظامی تا برخلاف انصاف نا فراوانی کن ادارہ نا دنگ ءِ ودفنگے۔ صدر مملکت مئی نا اولیکو ہفتہ کوئٹہ ٹی ریجنل دفتر نا بناءِ کننگ نا درخواست ءِ ہم منظور کرے۔ صدر مملکت بنجائی انشورنس محتسب ءِ فرض انا ادا کننگ اٹ پورو کمکاری نا باور کرفے۔
