اسلام آباد۔ 20 اپریل (اے پی پی) وزیر خارجہ مخدوم شاہ محمود قریشی پارینے کہ ایران بیرہ پاکستان نا ہمسایہ ملک اس آخا بلکن اسہ آزموندہی ءُ سنگت اسے، ایران تون ہڑتوم آ کنڈآتا تعلقداری تے مست آن زیات سوگو کینہ۔ سے شنبے نادے آ ایران آ روانہ مننگ آن مست، دورہ ء ایران نا بابت وزیر خارجہ ویڈیو کلہو اٹی پارے کہ ای ایران نا وزیر خارجہ جواد ظریف نا بھاز منت وار اُٹ کہ او کیہی وار پاکستان آ بس۔ شاہ محمود قریشی پارے کہ ایران اٹی، ہموڑے کنے ایرانی سرکڑدہ غاتون ڈیہہ نا حالیت آتیا گپ وتران نا موقع رسینگک۔ اوپارے کہ اوغان امن عمل اٹ بھلو پوسکن ءُ پیش رفت اس مسنے۔ اوغانستان نا ہمسایہ مننگ نا ناطہ، اوغان امن عمل ننے آنبار ایران کن ہم اہم ءِ۔ دابابت، ننا مسخت سلابت آن پد، حکمت عملی ٹی یکسوئی ودی کننگ ءِ۔ وزیر خارجہ ایران نا سپریم لیڈر شپ نا منت واری ءِ ہرفے، ہرافک کشمیر نا ویل انا بابت بھاز پیدوار و دوٹوک موقف اختیار کریر و پاکستان نا موقف نا مدام مخ تفی ءِ کریر۔ ایران تون ہڑتوم آ کنڈآتا تعلقداری ءِ مون آ دننگ نا گمان و بارڈر مارکیٹ آتا جوڑ کننگ نا بابت ہم گپ وتران مریک۔ وزیر خارجہ شاہ محمود قریشی پارے کہ ایران بیرہ پاکستان ناہمسایہ ملک آخا بلکن اسہ آزموندہ ئی ءُ سنگت اسے، نن ہرمشکل وخت اٹ اسہ ایلو تون کمک کرینن۔ ننا کوشست مریک کہ نن تینا ہڑتوم آ کنڈآتا تعلقداری تے مست آن زیات سوگو کین۔
