قومی اسمبلی ٹی فرانسیسی سفیر نا ملک بدری کن قراردادپیش کینہ، ٹی ایل پی مچ آ ملک آن دھرناغاتے چٹفک، بنجائی وزیر داخلہ شیخ رشید احمد

اسلام آباد۔ 20اپریل (اے پی پی) بنجائی وزیر داخلہ شیخ رشید احمد پارینے کہ حکومت و تحریک لبیک پاکستان نا نیام اٹ مرغن ءُ مذاکرات اسے آن پد طے مسنے کہ اینو (سے شنبے نادے) آ نن قومی اسمبلی ٹی فرانسیسی سفیر نا ملک بدری کن قرارداد پیش کینہ و ٹی ایل پی مچ آ ملک بشمول مسجد رحمت اللعالمین ﷺ آن دھرنا غاتے چٹفک و ہیت وگپ و مذاکرات نا چرجوئی ءِ مون آ دننگک، تینا ویڈیو بیان اٹی وزیر داخلہ شیخ رشید احمد پارے کہ ہرافتا برخلاف مقدمہ درج ءِ بشمول فورتھ شیڈول نا، اوفتے ہم کشنگک، وزیرداخلہ پارے کہ او دا بابت زوت پریس کانفرنس اس کیک۔