اسلام آباد۔ 19 اپریل (اے پی پی) صدر مملکت ڈاکٹر عارف علوی پارینے کہ ملک اٹی روزگار نا وارخواہی ودی کننگ و زرمبادلہ کن ڈیری سیکٹر ءِ مون آ دننگ نا گرج ءِ، ڈیری صنعت ءِ پوسکن آ وڑوڈول آتیا سوگو و شون تننگ نا گرج ءِ۔ داخیال آتا درشانی ءِ او دوشنبے نادے آ ڈیری انڈسٹری نا ڈل اتون گپ وتران کرسا کرے۔ اوپارے کہ ڈیری نا بشخ ملکی زرگزران نا شونداری ٹی اہم ءُ کڑد اس ادا کرینے۔ صدر مملکت ڈیری پروڈیوسر و پراسیسر ءِ جوان چاگڑد نا فراوانی آ حکومتی کمکاری نا باور کرفے۔ اوپارے کہ حکومت زرگزرانی نمو ءِ ودفنگ، غذائی رکھ ءِ پک کننگ و نیزگار نا چٹفنگ کن دابشخ آ چکار کرے۔ ڈیری بشخ اتون وابستہ بندغ آتے کسبکار کننگ و پوسکن تکنیک نا بارواٹ آگاہی ودی کننگ نا گرج ءِ۔ صدر مملکت پارے کہ اسٹیک ہولڈرز ڈیری سیکٹر نا شونداری کن قومی حکمت عملی وآخبت نا پالیسی تیار کیر۔
