اسلام آباد۔18اپریل (اے پی پی): اوگانستان ءِ وزیر ءِ درئی کار محمد حنیف آتمر ءَ یک شمبے ءِ روچ ءَ دوبئی ءَ وتی پاکستانی ھمکار مخدوم شاہ محمود قریشی ءَ گوں ٹیلی فونک رابطہ کت ۔ دوئیں وزیر ءِ درئی کار آں اوگان ایمنی کار ءَ انوگ ءَ تاں دیم ءَ سہرا بوھوکیں دیمروئی آنی ھوالگ ءَ ھیال ریچی کت۔ وزیر ءِ درئی کار مخدوم شاہ محمود قریشی ءَ گوشت کہ پاکستان، اوگانستان ءَ را ایمن ءُ برجم جوڑ کنگ ءِ واستہ وتی سر ءُ سوجی کمک آناں جاڑ ی دارگ ءِ واستہ جزمیگ انت۔ دوئیں وزیر ءِ درئی کار آں استنبول ءَ گند ءُ نند آنی سر ءَ تپاک کت۔ وزیر ءِ درئی کار ءَ اوگان وزیر ءِ درئی کار محمد حنیف آتمر ءَ را “استنبول ءِ دیوان ءَ چہ پد اسلام آباد ءِ دعوت دات۔
