سرجمیں ملک ءَ کشاں چیل ءُ جنگ ءُ چوپ ءِ سبب ءَ حکومت ءِ پاکستان  ءَ وت ٹی ایل پی ءِ سر ءَ بندش جنگ ءِ پیسلہ کتگ، بنجاھی وزیر اھوالکاری ءُ شنگ کاری چوہدری  فواد حسین

راولپنڈی۔17اپریل (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ کجام ھم ڈن ملکی ھاٹیگ یا ملک ءِ گوشگ ءِ سر ءَ ناں بلکینگ ءَ سرجمیں ملک ءَ کشاں چیل ءُ جنگ ءُ چوپ کنگ ءِ سبب ءَ حکومت  پاکستان ءَ وت ٹی ایل پی ءِ سر ءَ بندش جنگ ءِ پیسلہ کتگ، بنجاھ ءِ گوما  توامیں صوبائی حکومت ، پولیس ءُ سیکورٹی فورسز آں زوتیں رد ءَ کاروائی کنان ءَ سہرا کتگ کہ  ریاست ءِ مستری ءَ را نہ منگ بوت نہ کنت، رانا ثناء اللہ ، الطاف حسین ءُ ناشرکار آنی زبان ءَ تران کنگ ءَ انت، اپسرگ ءُ ادارگ آنی ھلاپ  ءَ اے رنگیں زبان کارمرد کنگ ءِ پد ءَ رانا ثناء اللہ ءِ ھلاپ ءَ ناشرکاری  ءِ رد ءَ کیس درج کنگ بیت، مزن وزیر عمران خان ھم اے گپ ءِ  سر ءَ تپاک کنگ ءَ انت کہ مئے نظام ءَ  اینکیاس وھد لگ ایت کہ انصاف ءِ جند گندگ نہ بیت، نوں سیاست، گچین کاری گامگیج کانود ءُ  کانود ءِ   لکیر ءِ اندر ءَ بوت کنت۔

 آ شمبے ءِ روچ ءَ ڈسٹرکٹ ھیڈ کوراٹر ہسپتال راولپنڈی ءَ بندش جتگیں پارٹی  ٹی ایل پی  ءِ زار شانی ءِ ساھت ءَ ٹپیگ بوتگیں پولیس ورنا آنی  دوت ءُ دراھ بوھگ ءَ پد میڈیا ءَ گوں تران کنگ ءَ ات۔  مزن وزیر ءِ ھاسیں کمکار شہباز گل، پاکستان تحریک انصاف ءِ جنرل سیکرٹری عامر یکیانی ءَ ابید کمشنر راولپنڈی سید گلزار شاہ، ڈی سی راولپنڈی کیپٹن (ر) انورالحق ، آر پی او عمران احمر ، پرنسپل الائیڈ ہاسپٹلرز ڈاکٹر عمر ءَ ھوار انتظامی کارندہ ھم ساڑی اتنت۔