اسلام آباد۔17اپریل (اے پی پی): وزیر ءِ درئی کار مخدوم شاہ محمود قریشی متحدہ عرب امارات ءِ 3 روچی تر ءُ تاب ءَ روادگ بوتگ۔ مسلم ملک آنی گوما دو نیمگی یکوئی آناں دیمروئی ءِ ھوالگ ءَ مزن وزیر عمران خان ءِ وژن ءِ رد ءَ وزیر ءِ درئی کار ءِ استیں تر ءُ تاب دوئیں ملک آنی نیام ءَ مزن تکی روگ ءُ آیگ آنی دیمروئی ءِ یک بھر ات۔
وزیر ءِ درئی کار اے تر ءُ تاب ءِ ساھت ءَ اماراتی ھمکار ءَ ھوار متحدہ عرب امارات ءِ ایندگر سروک آنی گوما گند ءُ نند کت۔ دو نیمگی یکوئی، وت مہ وتی تجارت ءُ سرمایہ کاری ءِ دیمروئی ، پاکستانی آنی واستہ روزگار ءِ موہ آنی دستیابی ءُ متحدہ عرب امارات ءَ نندوکیں پاکستانی آنی گہبود ءَ ھوار دمگی ءُ میاں اوستمانی کار آنی سر ءَ ھیال ریچی کن انت۔
