اسلام آباد۔17اپریل (اے پی پی): مزن وزیر عمران خان ءَ گشتگ کہ کس چہ قانود ءُ آئین ءَ مستر ناانت، بندش جتگیں تحریک لبیک ءِ نیمگ ءَ چہ ریاست ءِ رٹ ءَ را چیلنج کنگ بوتگ ءُ لٹ ءُ کٹ کنگ بوتگ، گڑا اے ہوالگ ءَ ناشرکاری گرءُ داری قانود ءِ ردءَ کاروائی کنگ بیت۔ شمبے ءِ روچءَ وتی ٹویٹ ءَ آئی ءَ گشتگ کہ من پاکستان ءُ درملکی پاکستاناں حال دیئگ لوٹاں کہ مئے حکومت ءَ تنا تحریک لبیک پاکستان ءِ حلاپ ءَ ناشرکاری گرءُ داری قانود ءِ رد ءَ ہما وہد ءَ کاروائی کتگ کہ آیاں اُلس ءُ قانود نافذ کنوکیں ادارگانی سرءَ اُرش کتگ۔ آئی ءَ گشتگ کہ کس قانود ءُ آئین ءَ چہ مستر نااِنت۔
