درئی پالیسی ءِ جوڑیشت ءُ ایشی ءِ پد ءُ رند حکومت ءِ کار انت، یک گل ءِ وتی جوڑ کتگیں رھبند آں چہ حکومت ءَ را کار بست ءُ کار گپت نہ کنت
اسلام آباد ۔ 17 اپریل (اے پی پی) سفارتکار، تجزیہ نگار ءُ نیک راھی سروک آں گوشتگ کہ درئی پالیشی ءِ جوڑیشت ءُ ایشی ءِ سرءَ عمل درآمد کنگ حکومت ءِ کار اِنت ءُ اُلس ءِ ایچ وڑیں یک گلے حکومت ءِ سرءَ وتی جوڑ کتگیں راھبند ءُ پنت ءُ شوناں مُشت ناکنت، عالم، سیاست دان ، دانشور ءُ انسانی حقانی بابت ءَ کار کنوکاں ہوار زند ءِ بازیں تک ءُ پھناتاں چہ سیادی داروکیں مردماں تحریک لبیک پاکستان ءِ لٹ ءُ کُٹیں زھرشانی ءَ را ایر جتگ ءُ گشتگ کہ اے وڑیں گل ءَ را چاگرد ءِ تہا تکانسری ءُ کست ءُ کینگ شنگ کنگ ءِ موکل دیئگ نابیت۔ آئی ءَ حکومت ءِ سرءَ زور پِرداتگ ءُ گشتگ کہ ریاست ءِ عمل داری ءَ را الم کنگ ءِ ھاترءَ ناشر دوستانی حلاپ ءَ ترندیں کاروائی کنگ بہ بیت۔ زانگ بہ بیت کہ حکومت ءَ ناشرکاری ءُ نا شردوستی ، لٹ ءُ کٹ ءَ را ہلاس کنگ ءِ ھاترءَ تحریک لبیک ءِ سرءَ بندش جتگ ءُ اے ہوالگءَ نوٹیفیکشن ہم جاڑی کتگ۔ اے گامگیج تحریک لبیک ءِ سروک علامہ سعد رضوی ءِ دزگیر کنگ ءَ پد آئی ءِ کارکنوکانی نیمگ ءَ چہ لٹ ءُ کٹ کنگ ءَ پد چست کنگ بوتگ۔ تحریک لبیک ءِ کارکنوکاں دگ ءُ شاہ دگ بند کتگ بوتگ اَنت، سرکاری ءُ نجی ماڑی نقصان دیئگ بوتگ، پولیس اہلکارانی سرءَ اُرش کنگ بوتگ کہ آئی ءِ نتیجگ ءَ بازیں مردم بیران ٹپیگ بوتگ اَنت۔ پیسرگیں سفیر آصف درانی ءَ ” اے پی پی” ءَ گوں گپ ءُ تران کتگ ءُ گشتگ کہ دری کارنی پالیسی ءِ جوڑ کنگ ءُ ایشی ءِ سرءَ عمل درآمد کنگ حکومت ءِ زمہ واری اِنت۔پیسرگیں سفیر ایاز وزیر ءَ گشتگ کہ دنیا ءَ کجام ہم جاگہ ءَ اے وڑیں گل میاں اوستمانی جیڑہ آنی سرءَ حکومت ءَ را وتی جوڑ کتگیں راھبدانی رد ءَ کار گپت ناکنگ ءُ وتی پنت ءُ شوناں مُشت ناکنت۔ اسلامی نظریاتی کونسل ءِ چیئرمین ڈاکٹر قبلہ ایاز ءَ “اے پی پی ” ءَ گوں گپ ءُ تران کتگ ءُ گشتگ کہ اے وڑیں زھرشانی کہ آیانی تہ ءَ کشک، دگ بند کنگ بہ بنت ءُ ایمبولینس راہ دیئگ مہ بنت، لٹ ءُ کُٹ کنگ بہ بیت ءُ اُلس ءَ را نقصان ءَ را نقصان دیئگ بہ بیت، اسلامی تعلیمات ءِ حلاپ اَنت۔ آئی ءَگشتگ کہ سرکاری فیصلہ مردمانی گل نا بلکیں ہمگرنچیں حکام کنت۔ تحریک لبیک پاکستان ءِ سرءَ بندش جنگ ءِ فیصلہ باز جوانیں گامگیج اِت، عوامی نیشنل پارٹی ( اے این پی) ءِ صوبائی صدر ایمل خان “اے پی پی” ءَ گوں گپ ءُ تران کتگءُ گشتگ کہ اپوزیشن ءَ بوہگ ءَ ابید اے این پی ملک ءِ نظریاتی سیاسی جماعت ءِ ارزشت ءَ چہ درائیں شدت دوستیں گلانی حلاپ ءَ کاروائی کنگ ءُ آیانی سرءَ بندش جنگ ءِ راجی ایکشن پلان ءِ سرجمیں عمل درآمد کنگ ءِ ھاترءَ حکومت ءَ گوں ہمراہ داری کناں۔ آئی ءَ گشتگ کہ پریشر گلانی نیمگ ءَ چہ اُلس ءِ جزبگاں کارمرز کنگ ءُ ملک ءَ را بھنام کنگ ءُ سیاسی مول ءُ مراد ءِ ھاتر مذہب کارمرز کنگ مابیت۔ ساﺅتھ ایشین فری میڈیا ایسوسی ایشن (سیفما) ءِ سیکریٹری جنرل امتیاز عالم ءَ گشتگ کہ مذہب لٹ ءُ کٹ ءُ کستءُ کینگ ءِ اجازت ءَ نادنت کہ کسے رسول اللہ صلی اللہ علیہ وسلم ءِ مول ءُ مراداں حاصل کنگ لوٹ ایت گڑا آ دریں نبی رسول اللہ صلی اللہ علیہ وسلم ءِ سوج داتگیں تعلیم ءِ سرءَ عمل کنگ اِنت۔ آئی ءَ گشتگ کہ تنا گل ءِ سرءَ بندش جنگ بس نااںت، سیاسی مول ءُؐمراد ءِ ھاترءَ مذہب ءَ را کارمرزی ءَ چہ دارگ لوٹ ایت۔ سوشل میڈیا ءِ سرءَ لھس مھلوک ہم دگانی سرءَ تحریک لبیک ءِ زھرشانی کنوکانی لٹ ءُ کٹ ءِ کاروائی ءَ را ایر جتگ۔ بنجاہی وزیر چوہدری فواد حسین ءَ وتی ٹویٹر اکاؤنٹ ءِ سرءَ گشتگ کہ برصغیر ءَ اسلام درگاہ، اولیائےکرام ءِ تبلیغ، دین ءِ بزرگامی مہر ءُ دوستی، اخلاق ءُ انسانیت ءِ درس ءِ بنیات ءَ جوڑ بوتگ، آئی ءَ گشتگ کہ تحریک لبیک وڑیں شدت دوستیں گروپ اسلام ءِ پجار ءَ را مٹ کنگ لوٹاں ءُ لٹءُ کٹ ءُ شدت دوستی ءَ را گیش کنگ لوٹاں۔ بنجاہی وزیر ءَ گشتگ کہ اے وڑیں کوشستاناں ناکام کنگ ہر مسلمان ءِ فرض اِنت۔ آئی ءَ گیش گشتگ کہ حکومت ءَ را بلیک میل کنگ نابیت وہدے کہ پولیس اہلکارانی سرءَ لٹ ءُ کٹ کنوک دزگیر کنگ بہ بنت ءُ آسرءَ سرکنگ بہ بیت۔ “اے پی پی” ءَ گوں گپ ءُ تران کتگ ءُ مزن وزیر ءِ حاسیں نمائدگ حافظ محمد طاہر محمود اشرفی ءَ گشتگ کہ جمہوری چاگرداں امنءُ ایمنی اُلس ءِ بنکی حق اِنت۔ آئی ءَ گشتگ کہ ریاست وتی مردمانی کوش، آیانی مالءُ مڈیاں آس ماندارگ ءُ آیاں لٹ کٹ کنگ ءَ سگءُ اوپار ناکنت۔ تحریک لبیک پاکستان ءِ سرءَ بندش ءِ ہوالگ ءَ آئی ءَ گشتگ کہ انوگیں جاورھالانی ردءَ حکومت ءَ ملک ءُ راج ءِ پائدگ ءَ پارٹی ءِ سرءَ بندش جنگ ءِ فیصلہ کتگ۔
