اسلام آباد۔ 16 اپریل (اے پی پی) قومی احتساب بیورو نا چیئرمین جسٹس جاوید اقبال نا کماشی ٹی اسہ بڑزکو کہول انا دیوان اس نیٹ ہیڈکوارٹراٹی اڈ ہلک ہراٹی نیب انا جم کارکڑد نا جاچ ءِ ہلنگا۔ دیوان اٹی ڈپٹی چیئرمین نیب، پراسیکوٹر جنرل اکاؤنٹیبلیٹی نیب، ڈی جی آپریشنز نیب و نیب انا سینئر آفیسر آک بشخ ہلکر۔ چیئرمین نیب نیب انا جم کارکڑد آ است جمی نا درشانی ءِ کرسا نیب انا غٹ ریجنل بیورو تے پارت کرے کہ وائٹ کالر کرائم نا میگاکرپشن کیس آتے ایسر اسکان سرکننگ کن کانود نا رداٹ غٹ وسیلہ غاتے کاریم اٹ اتنگے۔
