اسلام آباد۔16اپریل (اے پی پی): مزن وزیر عمران خان ءَ کشاں چیل ءُ جنگ ءُ چوپ ءِ آس ءَ دمینوک آنی ھلاپ ءَ پولیس فورس ءَ گوں مزن جگری ءَ جوانیں کرد ءِ پیلو کتگ ایشرا ڈگار ءَ جتگ آوانی پندل ناکام بوت انت۔ اے رد ءَ پولیس توسیپ ءُ ستا ءِ لائک انت۔ آدینگ ءِ روچ ءَ وتی ٹویٹ ءَ آئی ءَ گوشت کہ حکومت ءَ را بلیک میل کنگ ءِ رد ءَ کشاں چیل ءُ جنگ ءُ چوپ ءِ آس ءَ دمینوک آنی ھلاپ ءَ پولیس ءَ جوانیں کاروائی کتگ ءُ یک تاریخیں کرد ءِ پیلو کتگ۔ اے ساھت ءَ 4 باسک شہید بوتگ انت ءُ 600 ٹپیگ بوتگ انت، مئے راج وتی اے ہیرو آناں اچبر بے ھیال نہ کن انت، ما ایشانی ھاندان آنی چار ءُ گزار ءَ کناں۔
