سکھر۔ 16 اپریل (اے پی پی) گورنر سندھ عمران اسماعیل پارینے کہ وزیراعظم عمران خان سندھ انا مخلوق کن دڑد تخک، اینو سندھ انا وارث تینا مخلوق آ بسنے، سندھ انا شونداری کن میگا ڈٹ آتا پڑو ءِ کننگ آ وزیراعظم نا منت واری ءِ ہرفنہ۔ او آئی بی اے سکھر اٹی دود آن تران کریکہ۔ داکان مست وزیراعظم عمران خان سندھ انا دورہ غا سکھر آ سرمس تو سندھ انا گورنرعمران اسماعیل اودے بخیر کرے۔ آئی بی اے سکھر اٹی وزیراعظم عمران خان دود اٹی بشخ ہلک۔ بیابخیری پیش کرسا گورنر سندھ عمران اسماعیل وزیراعظم عمران خان نا سندھ انا دورہ ءِ کننگ آ منت واری ءِ ہرفے و پارے کہ اینو سندھ انا مخلوق وزیراعظم عمران خان نا داڑے بننگ آ بھاز خوش ءُ۔ سندھ انا 14 ضلع غاتے کن میگا ڈٹ آتا پڑو ءِ کننگ آ وزیراعظم عمران خان نا بھاز منت واراُن۔ دامیگا ڈٹ آتا تیاری ٹی بنجائی وزیر اسد عمر نا بھلو کوشست اسے۔
