راولپنڈی۔ 16 اپریل (اے پی پی) وزیر داخلہ شیخ رشید احمد پارینے کہ کانود نافذ کروک آ ادارہ غاک امن وایمنی نا بابت بھاز زبردست ءُ کاریم اس کریر۔ کالعدم تنظیم نا کارندہ غاتا بیدادی کارروائی تا تحمل اٹ مقابلہ ءِ کریر، پولیس و رینجرز نا آفیسر و ورناک بھاز ہمت و دلیری نشان تسر۔ داخیال آتا درشانی ءِ او جمعہ نادے آ کمبائنڈ ملٹری ہسپتال و ڈسٹرکٹ ہیڈ کوارٹر ہسپتال راولپنڈی ٹی کالعدم تحریک لبیک پاکستان نا کارندہ غاتا بیدادی آن ٹھپی مروک آ پولیس کارندہ و رینجرآتا ورناتا جان پڑسی نا وخت آ کرے۔ وزیر داخلہ شیخ رشید احمد رینجر نا ورنا و پولیس کارندہ غاتے شاباشی تس و کسبی امور آ زبردست خراج تحسین پیش کرے۔ داوخت آ او پارے کہ کانود نافذ کروک آ ادارہ غاک امن وا یمنی نا بابت بھاز جوانءُ کاریم اس کریر۔ اوپارے کہ امن و ایمنی ءِ بحال تخنگ آ پولیس و رینجرز نا آفیسر ورناک بھاز ہمت و دلیری نشان تسر و کالعدم تنظیم نا کارندہ غاتا بیدادی نا نا تحمل اٹ مقابلہ ءِ کریر۔ اوپارے کہ کس اسے ریاست ءِ یرغمال کننگ نا موکل تفنہ۔
