اسلام آباد۔ 16 اپریل(اے پی پی) اسپیکر قومی اسمبلی اوغانستان تون گورسل سیم ءِ ملنگ نا باندات ءِ بارڈ مینجمنٹ کمیٹی آ گدریفے۔ جمعہ نادے آ قومی اسمبلی ٹی گلداد خان، ساجد خان و ڈاکٹر حیدر خان نا پاک اوغان سیم آ واپار ءِ بند کننگ نا بابت چکاری نوٹس نا ورندی ٹیپارلیمانی سیکرٹری داخلہ شوکت علی پارے کہ پاک اوغان سیم آ چمن، انگوراڈا، غلام خان، کرلاچی نا کسر اٹ واپار مننگ ءِ، داڑے شش دے واپار مریک و ہندا ایوان اٹی پاننگاسس کہ پند اٹ ہنوک بروک آ مخلوق کن چار دے موکل مریک، اودے شش دے کننگے۔ اسپیکر نا رولنگ ءِ مون آ تخسا چار انا جاگہ غا شش دے داڑے پند اٹ ہن وبر والا مخلوق کن بارڈر ملوک مریک۔ ناوہ پاس و گورسل بارڈرنوٹیفائیڈ اف داسوب آن دا بند ءِ۔ ناوہ پاس بارڈر باجوڑ اٹی ءِ ہرا 2007ء ٹی سیکورٹی سوب آتا بناء آ بند کننگاسس ہنداوڑ غورسل بارڈر مہمند ایمنسی ٹی ساڑی ءِ ہرا 2009ء آن داتم اسکان بند ءِ۔ بارڈر ءِ ملنگ نا تینا اسہ وڑوڈول اس مریک۔ اسہ بارڈر مینجمنٹ کمیٹی اس جوڑ کننگانے ہراٹی ننا غٹ اسٹیک ہولڈر آک ساڑی مریرہ۔ وزارت داخلہ،خارجہ و دفاع نا منسٹریک، سیوکرٹیایجنسیک، کسٹم کارندہ غاک، ایف بی آر نا آفیسر آک و صوبہ غاتا غٹ ہوم سیکرٹریک ہم دا کمیٹی نا باسک ءُ۔ کمیٹی ٹی ہراہیت کاہک اوڑآ غور و خوض آن پد تین پہ تینی سلابت اٹ بارڈر ءِ ملنگک۔ اوپارے کہ اوغان حکومت تون سلابت اٹ سیمءِ ملنگک۔ غورسل سیم ءِ ملنگ نا معاملہ ءِ بارڈر مینجمنٹ کمیٹی آ گدریفنگے۔ ہراڑآ اسپیکر قومی اسمبلی دا معاملہ ءِ تعلقدار قائمہ کمیٹی آ گدریفے۔
