اسلام آباد۔ 15اپریل (ا ے پی پی) وزیر بجلی و پٹرولیم عمرایوب خان پارینے کہ حکومت ہندی کہو ل آ تیل و گیس انا پیدوار ءِ ودفنگ کن سنبرینگوک ءِ، داسال آئل و گیس انا بیست بلاک ءِ نیلام کننگا،م پوسکن آ آف شور آئل و گیس انا بلاک آتیا کاریم کننگ انگ ءِ۔ اوداخیال آتا درشانی ءِ پنچ شنبے نادے آ آئل و گیس ای اینڈ پی کمپنی تا سی ای اوز/ایم ڈیز نا ڈل اتون گپ وتران کرسا کرے۔ اوڑدہی ٹی تیل و گیس انا خننگ و پیدوار ءِ ودفنگ آ گپ وتران کریر۔ تیل وگیس کمپنیک ای اینڈ پی انا بشخ اٹی کروک آ حکومتی گام گیج آتا ستاءِ کرے و بشخ انا شونداری کن منت واری ءِ ہرفے۔ عمرایوب خان پارے کہ ای اینڈ پی انا بشخ تیل و گیس انا سپلائی ٹی بنداوی اہمیت تخک۔ حکومت ہندی کہول آ تیل و گیس انا پیدوار ءِ ودفنگ آ کاریم نابناءِ کرینے۔ عمرایوب پارے کہ نن حکومت ءِ سنبھالنگ تون تیل و گیس انا بلاک آتے آوکشن کرین۔ داسال آئل و گیس انا بیست بلاک ءِ نیلام کننگا۔ پوسکن آ آف شور آئل و گیس انا بلاک آتیا کاریم کننگ انگ ءِ، ای اینڈ پی انا بشخ انا شونداری آن ملک اٹی بھلو کاروباری و زرکاری اس بریک۔ عمرایوب پارے کہ نن پٹرولیم نا بشخ اٹی کاروبار اٹ آسانی نا گام گیج آتا بناءِ کرینن تانکہ شعبہ شون ہلے۔
