اسلا م آباد۔ 15اپریل (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ داوخت آ کورونا دین آن بچفنگ نا ویکسین تیا ہرا پٹ وپول و ریسرچ مس کہ چناو ورناتے کن رکھ و جوان ءِ، اونابنائی نتیجہ غاتا رداٹ دا ویکسین چنا وورناتے کن رکھ و جوان ءِ۔ پنچ شنبے نادے آ تینا ویڈیو کلہواٹی اوپارے کہ چناتے ویکسین خلفنگ نا بابت داوخت آ پٹ وپول برجاءِ۔ اوپارے کہ داسہ ہرا ویکسین ءِ کاریم اٹ اتنگ انگ ء، اونا لسین 18سال اسکان نا ورناتیکن ءِ وخت اس کہ اسہ ویکسین اس ہندن اُسے ہرانا لیسن 16آن 18 سال اسکان نا ورناتیکن ءِ۔ اوپارے کہ داویکسین تیا پٹ وپو ل برجاءِ و بنائی نتیجہ غاتا رداٹ دا ویکسین چناو ورناتیکن رکھ و جوان ءِ۔ اوپارے کہ منہ دے مست داہیت آک خف تیا تمار کہ ساڑی آ مسٹ میکو ریسہ چناتے زیات زہمی کرینے، داوڑ اف۔ اوپارے کہ نن این سی او سی نا ڈیٹاءِ اُران و اولیکو ریسہ، ارٹ میکو ریسہ و مسٹ میکو ریسہ نا موازنہ ءِ کرین تو معلوم مس کہ چناک و ورناتے ٹی دین انا تناسب بریبر چلینگ انگ ءِ، داٹی ہچ ءُ خاص پرخ اس اف، اوپارے کہ دُن ءُ ہیت اس اف کہ ساڑی آ ریسہ چناو ورناتے زیات زہمی کرینے۔
