اسلام آباد۔ 15اپریل (اے پی پی) ویراعظم عمران خان نا خصوصی پارت آ مچ آ ملک اٹی روچہ ریلیف پیکج 2021ء نا رداٹ 19المی آ گڑاتیا 7 ارب 80کروڑ روپئی سبسڈی فراوان کننگ انگ ءِ۔ یوٹیلیٹی اسٹورز کارپوریشن نا ترجمان نا رداٹ دا ریلیف پیکج نا رداٹ یوٹیلیٹی اسٹورز کارپوریشن (یوایس سی) ءِ بھاز المی 19گڑاتیا 7 ارب 80 کروڑ روپئی نا سبسڈی فراوان کننگانے۔ اوپارے کہ روچہ پیکج اٹ ای سی سی ہراگڑاتیا سبسڈی نا منظوری ءِ تسوسس اونا رداٹ نت20کلو نا تھیلا800، سی 170 روپئی اسہ کلو، بورہ 68روپئی اسہ کلو ٹی بہامریک وخت اس کہ چڑیا نا دال آ 15 روپئی، دوتل آ 10، ماش دال آ 10، خیسن آ دال آ 30، ٹوٹا برنج آ 12، شربت آ 25، پتی آ 50، پاڷ آ 20و مصالحہ غاتیا 10 روپئی سبسڈی تننگ انگ ءِ۔ اوپارے کہ یوٹیلیٹی اسٹور آ بورہ آ 40، سی آ 20، تیل آ 20، الار آتیا 20 و برنج آ 10 روپئی فی کلو نا حساب اتون اوار ایلوکنوئی آ گڑاتیا ہم سبسڈی تننگک۔ اوپارے کہ ہندی مارکیٹ اٹی سی، بورہ و خولم نا نت انا نہاد اٹی نمان پرخ ئس و مچ آ ملک اٹی ساڑی 4 ہزار یوٹیلیٹی اسٹور تیا المی آ گڑاتا دوئی ءِ پک کننگانے۔
