اسلام آباد۔ 15اپریل (اے پی پی) وزیراعظم عمران خان اینو(پنچ شنبے نادے آ) اسلا م آباد اٹی رحمت العالمین اسکالر شپ پروگرام نا بناءِ کیک۔ وزیراعظم آفس نا میڈیا ونگ آن جاری بیان نا رداٹ ملکی نظام تعلیم اٹ اصلاحات نا پالیسی نا رداٹ حکومت رحمت العالمین اسکالر شپ پروگرام نا رداٹ مچ آ ملک اٹی کم کٹیا کروک اُراتیان تعلق تخوک آ طالب علم آتے کن چندی اسکالر شپ پروگرام تا پڑو ءِ کرینے۔ رحمت العالمین اسکالر شپ پروگرام اسہ قومی ءُ پروگرام اسے ہرانا ہائیر ایجوکیشن کمیشن نا کمک اٹ بنجائی کہول آ کم کٹیا کروک اُراتاطالب علم آتے انڈر گریجویٹ تعلیم اسکان رسینگ فراوان کننگ کن بناءِ کننگ انگ ءِ۔ داپروگرام کن 27.93ارب روپئی نا بجٹ نا منظوری ءِ تننگانے ہرا بروک آ 5سال اٹی کاریم اٹ اتنگک۔ داپروگرام ءِ مچ آ ملک انا 129پبلک سیکٹر یونیورسٹی تیٹی نافذ کننگک۔ قومی کہول آ رحمت العالمین اسکالر شپ پروگرام آن بیدس صوبہ غاک ہم صوبائی کہول آ رحمت العالمین اسکالر شپ پروگرام تیا عمل کننگ ءُ۔ پنجاب اٹی داپروگرام اکن منظور مروک کل بجٹ سالانہ 1 ارب روپئی ءِ۔ رحمت العالمین اسکالر شپ پروگرام صوبہ خیبرپختونخوا ٹی ہم پیش کننگک۔ خیبرپختونخوا ہ کن کل بجٹ 427ملین روپئی ءِ، داٹی ساڑی آ اسکالر شپ پروگرام تے اوار کننگک ہرافتیان مہالو آن عملدرآمد مننگ ءِ۔