سنچورین۔ 15اپریل (اے پی پی) پاکستان و سویلی افریقہ نا کرکٹ ٹیم تا نیام اٹ 4 ٹی ٹونٹی میچ آتا سیریز نا گڈیکو میچ (پگہ) جمعہ نادے آ سنچورین اٹی مریک۔ پاکستان ءِ پروٹیز نا برخلاف سیریز اٹی 2-1نا برتری دوئی ءِ۔ پاکستان سنچورین اٹ مروک آ سیریز نا مسٹ میکو ٹی ٹونٹی میچ اٹ سویلی افریقہ ءِ اسہ کنڈی مقابلہ غان پد 9 وکٹ آتے اٹ شکست ترسا سیریز اٹی برتری دوئی کرے۔ ہڑتوم آ ٹیم تا نیام اٹ سیریز نا آخیریکومیچ(پگہ) جمعہ نا دے آ سنچورین اٹی مریک۔ پاکستان کن ٹی ٹونٹی سیریز ءِ کٹنگ نا جوان ءُ موقع سے وخت اس کہ سویلی افریقہ آخیریکو میچ اٹی سرسہبی دوئی کرسا سیریز ءِ بریبر کننگ کیک۔ پاکستان دورہ سویلی افریقہ ٹی سنچورین اٹ اِراون ڈے و اسہ ٹی ٹونٹی میچ اس کرے و ہرمسٹ آتے ٹی سرسہبی دوئی کرے۔ یات سلے سویلی افریقہ 2019ء آن پد تینا ملک اٹی اسہ ٹونٹی سیریز اس ہم کٹنگ کتنے وخت اس کہ پاکستانی ٹیم 2018ء آن پد پیشن ناملک دورہ غاتے ٹی ہچ ءُ ٹی ٹونٹی سیریز اس کٹنگ کتنے۔ داکان مست پاکستان ٹیم پروٹیز ءِ مسہ ون ڈے میچ آتا سیریز اٹی 2-1اٹ شکست تسوسس۔ پاکستان ٹیم اناکماشی ءِ بابراعظم کیک وخت اس کہ میزبان ٹیم ہنریچ کلاسین ناکماشی ٹی مون آ بریک۔ ہڑتوم آ ٹیم تا کیپٹنک سیریز نا آخیریکو میچ اٹ سرسہبی کن بیان تسنو ہنداخاطرآن آخیریکو میچ اٹ سخت ءُ مقابلہ سے نا گمان کننگ انگ ءِ۔
