سرگودھا۔ 14اپریل (اے پی پی) وزیراعظم عمران خان چارشنبے نادے آ پوسکن آ پاکستان ہاؤسنگ پروگرام نا رداٹ 1 ہزار 175اُراتا تفنگ نا ڈٹ انا بنداو ءِ تخانے، سرگودھاٹی 6 ہند آتیا مسہ مرلہ غا کم خڑچ اُراتفنگک۔ حکومت پنجاب دا ڈٹ اکن ڈغار و پین آسراتی ایتک۔ دا ڈٹ آ کاریم فرنٹئر ورکس آرگنائزیشن (ایف ڈبلیو او) و نیشنل لاجسٹک سیل اسیجائی وڑاٹ کیرہ۔ پنجاب بینک دا ڈٹ اکن حقدار بندغ آتے مورگیج نا آسراتی ایتک ہرادانا قسط تننگ کیک۔ پوسکن آ پاکستان ہاؤسنگ اتھارٹی دا ڈٹ انا رداٹ جوڑ مروک آ اُرا قرعہ اندازی نا کمک اٹ حقدار بندغ آتے ٹی بشخک۔ دا ڈٹ اکن حکومت ءِ 33ہزار528درخواست دوئی مسنے۔ سرگودھاٹی ڈٹ انا تختی نا نقاب کشائی نا وخت آ وزیراعلیٰ پنجاب عثمان بزدار ہم اوڑتون اوار ئس۔
