اسلام آباد۔ 14اپریل (اے پی پی) وزیراعظم عمران خان پنجاب نا ضلع سوگودھاٹی اینو (چارشنبے نادے آ) پوسکن آ پاکستان ہاؤسنگ پروگرام نا رداٹ کم خڑچ ہاؤسنگ ڈٹ انا بنداو ءِ تخک۔ وزیراعلیٰ پنجاب سردار عثمان بزدار ہم ساڑی مریک۔ وزیراعظم آفس نا میڈیا ونگ انا کنڈآن جاری بیان نا رداٹ ضلع سرگودھاٹی 6ہند آتیا 1,175مسہ مرلہ اُراجوڑ کننگک۔ حکومت پنجاب دا ڈٹ اکن ڈغار ایتک و پین آسراتی فراوان کیک۔ تعمیراتی کاریم فرنٹیر ورکس آرگنائزیشن ایسر اسکان سرکیک۔ بینک آف پنجاب مارگیج نا آسراتی نا زمواری ءِ ہرفک ہرانا سوب آن حقدار بندغ اُرانا کل نہاد ءِ آسان قسط آتے ٹی تننگ کیک۔داڈٹ اٹی اُراتا الاٹمنٹ کن پوسکن آ پاکستان ہاؤسنگ اتھارٹی حقدار بندغ آتے ٹی قرعہ اندازی نا کمک اٹ اُراالاٹ کیک۔ دا ڈٹ اکن 33,528درخواست دوئی مسنے۔ وزیراعظم داوخت آ تران ہم کیک۔ دا ڈٹ آ تعمیراتی کاریم ءِ نیشنل لاجسٹک سیل و فرنٹیر ورکس آرگنائزیشن اسیجائی وڑاٹ سرایترہ۔

متعلقہ مضامینمصنف کی طرف سے مزید