اسلام آباد۔ 14اپریل (اے پی پی) پاک بحریہ نا جہاز پی این ایس نصر براعظم افریقہ نا چندی ملک آتا دورہ ءِ پورو کرسا کراچی بندرگاہ غا سرمس۔ ترجمان پاک بحریہ نا رداٹ پی این ایس نصر افریقی ملک آتے ٹی جوزہ خیرخواہی نا رداٹ امدادی دورہ غا ئس۔ دورہ ٹی پی این ایس نصر جبوتی، سوڈان، بینن و نائیجر اٹی اسہ ہزار ٹن برنج فراوان کرے۔ پی این ایس نصر ممباسا و کینیا نا خیرخواہی دور ہ ءِ ہم کرے۔ امدادی مشن نا ڈٹ بندی ءِ نائیجراٹی تدوک آ سال بروک آ نوکاپ و قحط نا بھسکاری تا رداٹ کننگا۔ کراچی بندرگاہ غا سرمننگ آ کمانڈر پاکستان فلیٹ پاک بحریہ و وزارت خارجہ نا بڑزکو کمامدارآتون اوار جہاز ءِ بخیر کریر۔ دادورہ ءِ کننگ نا مسخت حکومت پاکستان نا انگیج افریقہ پالیسی نا رداٹ ہڑتوم آ کنڈآتا تعلقداری و تین پہ تینی کمکاری نا مون آ دننگ ئس۔

متعلقہ مضامینمصنف کی طرف سے مزید