اسلام آباد۔ 14اپریل (اے پی پی) پاک چین اقتصادی راہداری (سی پیک) نا رداٹ توانائی نا بشخ اٹی بھلو پیش رفت اس برجاءِ، منظور مروک 22توانائی نا ڈٹ آتیان 9 ڈٹ پورو مسر۔ سرجم حوال آتا رداٹ پاک چین اقتصادی راہداری نا رداٹ منظور مروک 9 توانائی ناڈٹ آتے پورو کننگانے۔ ڈٹ آتا مسخت بجلی نا گرج آتے پورو کننگ ءِ، پورو مروک 9 ڈٹ آتیان 320 میگاواٹ بجلی ودی کننگ انگ ءِ۔ دا ڈٹ آتے ٹی کولا نا 13سد 20میگاواٹ نا ساہیوال، پورٹ قاسم و چائنا حب ڈٹ آک اوار ءُ۔ 660واٹ نا اینگروتھر و 400میگاواٹ قائد اعظم سولر پارک ڈٹ آک ہم پورو مسنو۔ پین 4 ہزار 470 میگاواٹ نا 8 ڈٹ پوروی نا گڈیکو ریسہ غاتے ٹی پترینگانو۔ دافتیان بیدس کوہالہ، تھر و آزاد پتن تون اوار 5 ڈٹ ہم پیپ لین اٹی اوار ءُ۔ دا ڈٹ آتا پوروی آن ملکی گرج آک پورو مننگ تون اوار بجلی برآمد ہم کننگ مریک، سی پیک ڈٹ آتے ٹی توانائی نا ڈٹ آتیا خاص چکار کننگانے۔
