اسلام آباد۔ 14اپریل(اے پی پی) چین پاکستان اقتصادی راہداری (سی پیک) ڈٹ انا سوب مچ آ ملک اٹی بھلوکچ اسے آ زرگزرانی سرجزودی مریک، چین نا حکومت نا بیلٹ اینڈ روڈ انیشی ایٹیو(بی آر آئی) نا سوب پاکستان علاقائی اقتصادی سرجزآتے ٹی اہم فریق اس جوڑ مسنے۔ زرکاری بورڈ کمامدارآک اے پی پی ءِ پاریر کہ دا ڈٹ آن نئے بیرہ واپار نا کمک اٹ ارب آ ڈالر نا کٹیا مریک بکن انفراسٹرکچر ڈویلپمنٹ، پاور جنریشن، ٹرانسپورٹیشن، ریلوائی، کشت وکشار و سائنس و ٹیکنالوجی و سیل و سوات نا بشخ آتے ٹی ڈٹ آتیان بیدس ہزار آ ہندی بندغ آتے روزگار نا وارخواہی دُوبریک۔ اوپارے کہ سی پیک نا اہم ڈٹ آتے ٹی پاکستان و چین نا اسیجائی ڈٹ آتا کمک اٹ مچ آ ملک اٹی تفوک خصوصی اقتصادی زون تا تفنگ ءِ۔ دا ڈٹ انا اہمیت ءِ مون آ تخسا کیہی ایلو ملک آک ہم دا ڈٹ اٹی زرکاری کن است خواہی نا درشانی ءِ کرینو۔ چین پاکستان اقتصادی راہداری (سی پیک) نا رداٹ خصوصی اقتصادی زون تیا تعمیری کاریم زور و شور اٹ برجاءِ۔ دا ڈٹ آتا اہمیت ءِ مون آ تخسا کیہی ملک آک زرکاری ٹی است خواہی ہلنگ ءُ ہراڑآن زرگزرانی سرجزآک ودرہ۔
