اسلام آباد۔ 13اپریل (اے پی پی) بنجائی وزیر بین الصوبائی رابطہ ڈاکٹر فہمیدہ مرزا و ڈائریکٹر جنرل پاکستان سپورٹس بورڈ انا کرنل محمد آصف زمان ارشد ندیم ءِ امام رضا اتھلیٹکس کپ اٹ خیسن نا تمغہ ءِ کٹنگ آ مبارکبادی تسنے۔ سے شنبے نادے آ جاری کروک اسہ بیان اسے ٹی اواومیت ظاہر کرینے کہ ارشد ندیم اولمپک گیم اٹی ہم شاندار کارکڑد نا درشانی ءِ کرسا ملک و قوم اکن میڈل ءِ کٹسا بریک۔ ارشد ندیم نا گولڈ میڈل ءِ دوئی کننگ داہیت انا ڈیک ءِ ایتک کہ اولمپکس کن قومی اتھلیٹ نا تیاری سہی کنڈآ ہِننگ ءِ۔ اوارشد ندیم ناسرسہبی آ مچ آ قوم و سپورٹس کمیونٹی ءِ مبارکبادی ترسا اومیت ظاہر کرینے کہ 29 سال آن پد پاکستان اولمپکس مقابلہ غاتے ٹی میڈل دوئی کننگ اٹ سرسہب مریک و پاکستان سپورٹس بورڈ اونا تربیتی سرجزآتے پبی وڑاٹ سرتننگ ءِ۔

متعلقہ مضامینمصنف کی طرف سے مزید