اسلام آباد۔ 13 اپریل (اے پی پی) وزیراعظم نا سلاہکار واپار و زرکاری عبدالرزاق داؤد پارینے کہ بروک آ مالی سال انا بجٹ اٹی سی پیک ڈٹ آتا پوروی، اقتصادی زون تا شونداری و ٹیکسٹائل اٹی پوسکن آ مصنوعات آتا لائن تے درستی راستی کرفنگ کن خصوصی آسودہی فراوان کننگک۔ داخیال آتا درشانی ءِ او چیئرمین ایف آئی ای ڈی ایم سی میاں کاشف اشفاق تون گپ وتران اٹی کرے۔ اومستی پارے کہ ایف آئی ای ڈی ایم سی نا اقتصادی زون اٹی پوسکن آ صنعت آتے اولیت تننگک تانکہ درآمد آتے کم کرسا برآمد آتے ٹی ودکی کننگ مرے۔ داکان بیدس ویسٹرن لائن آف ویمن و ٹیکنالوجی نا بشخ انا شونداری آ ہم خاص چکار کننگک۔ اوداہم پارے کہ اقتصادی زون اٹی زرکار آتا آسراتی کن ون ونڈو سروس ایکٹ درستی راستی کرفنگک تانکہ اوفتا درگہ غا غٹ درکار آسراتی تے مہیا کننگ مرے۔
