اقوام متحدہ۔ 13اپریل (اے پی پی) اقوام متحدہ ٹی پاکستان نا آخبتی مندوب منیراکرم پاکستانی الس و مسلم امہ ءِ روچہ مبارک نا مقدس تُو انا بناء آ مبارکبادی ترسا پارینے کہ روچہ نا تُو ننے صبر، سگ و ہمدردی نا رغامک۔ اوروچہ نا بناء آ تدوک آ دے اسہ کلہو اسے ٹی پارے کہ روچہ نا تُو تینا جند انا تطہیر، پرہیز گار۔ اللہ نا اطاعت، قربانی و ایلو فتا کمک ءِ کننگ نا تُو ءِ و داتُو نن تینا خدانا تروک آ بے شمار نعمت آتا شکر ءِ ادا کینہ و اونا پرمان تار داٹ زند ءِ تیر کننگ نا قول کینہ۔ اوپارے کہ دا ارٹ میکو روچہ مبارک ءِ ہرا کورونا دین اٹی بسنے و اونا دعاک و نیک است خواہیک دا ہلوک آ دین آن زہمی بندغ آتون ءِ۔ اودین آن زوال کروک آ بندغ آتا خاہوت آتون ہڑزخواہی نا درشانی ءِ کرسا ایماندار آتا درجہ غاتا بڑزی و زہمی خاہوت آتے کن صبر و جمیل نا دعا کرے۔ اوپارے کہ او داوخت آ تینا کشمیری ایڑھ ایلم تے خراج تحسین پیش کیک ہرا بھارتی کوزہ ٹی زند ءِ تیر کننگ ءُ۔ اوپارے کہ نن خداآن مشکل و آفت و کورونا نا دین آن رکھ مننگ کن دعا کینہ و اودے یخین ءِ کہ اللہ نا فضل و کرم اٹ نن دا مشکل وخت انا مون ءِ تورنہ و ہڑدے ئی زند دُوارہ بحال مریک۔
