پیشن نا ملک اٹی رہینگوک آ پاکستانی تا تینا وطن تون مہرومریبت و تعلقداری بے مٹ ءِ، کوویڈ۔ 19نا دین آن پد ہم ریکارڈ زررادہ کننگ آ اوفتا منت واراُن، وزیراعظم عمران خان

اسلام آباد۔ 12اپریل (اے پی پی) وزیراعظم عمران خان پارینے کہ پیشن نا ملک رہینگوک آ پاکستانی تا تینا وطن تون مہرومریبت و تعلقداری بے مٹ ءِ، کوویڈ۔ 19آن پد ہم پیشن نا ملک اٹی رہینگوک آ پاکستانیک غٹ ریکارڈ ءِ پرغسا پدریسہ 10تُو اسکان ماہانہ 2 ارب ڈالرآن زیات نا زررادہ کریر۔ دوشنبے نادے آ تینا ٹویٹ اٹی وزیراعظم پارے کہ پیشن نا ملک پاکستانی تا زررادہ کننگ مارچ اٹی ودسا 2.77ارب ڈالر اسکان سرمس ہرا تدوک آ سال انا مقابلہ ٹی 43 درسد زیات ءُ۔ دامالی سال اٹی داتم اسکان پیشن نا ملک آن زررادہ کننگ اٹ 26 درسد ودکی مسنے ہراڑآ نن پیشن نا ملک اٹی رہینگوک آ پاکستانی تا منت وار اُن۔