اسلام آباد۔ 12اپریل (اے پی پی) چیئرمین سینیٹ محمد صادق سنجرانی انسانی حق انا علمبردار و پنی آ صحافی آئی اے رحمان نا کزیت آ است ہسونی نا درشانی ءِ کرینے۔ چیئرمین سینیٹ محمد صادق سنجرانی خاہوت تون ہڑزخواہی کرسا اللہ تعالیٰ آن دعا کرے کہ ایماندار ءِ جنت الفردو س اٹ جاگہ ایتے و غمزدہ خاہوت ءِ دا صدمہ ءِ حوصلہ وصبر اٹ سگنگ نا توفیق ایتے۔ چیئرمین سینیٹ ایماندار آئی اے رحمان نا صحافت کن خذمت و انسانی حق انا ویل آتے تالان کننگ نا بابت کوشست آتا ہم ستاءِ کرے۔ قائم مقام چیئرمین سینیٹ سینیٹر مرزامحمد آفریدی، قائد ایوان سینیٹ سینیٹر ڈاکٹر شہزاد وسیم، قائد حزب اختلاف سینیٹ سینیٹر سید یوسف رضاگیلانی ئسک ہم آئی اے رحمان نا کزیت آ است ہسونی نا درشانی ءِ کرسا غمزدہ خاہوت تون ہڑزخواہی کریر۔ اوفک اللہ تعالیٰ آن ایماندار نا درجہ غاتا گڑزی کن دعاہم کریر۔
