تدوک آ 24گھنٹہ ٹی کورونا دین انا 4584کیس، 58مرک رپورٹ، غٹ آن زیات مرک خیبرپختونخوا ٹی ریکارڈ، ایکٹیو کیس آک 75266مسر، نیشنل کمانڈ اینڈ آپریشن سینٹر

اسلام آباد۔ 12اپریل (اے پی پی) تدوک آ بیست ءُ چار گھنٹہ ٹی کورونا دین انا سوب آن خیبرپختونخوا غان پد پنجاب اٹی غٹ آن زیات مرک ریکارڈ کننگا، مچ آ ملک اٹی تدوک آ بیست ءُ چار گھنٹہ ٹی کورونا دین آن 58 مرک رپورٹ مس ہرافتیان 12 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نار داٹ 24 گھنٹہ ٹی مچ آ ملک اٹی 4 ہزار 584بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تیٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 81 درسد، لاہور اٹی 79درسد، گوجرانوالہ ٹی 88 درسد و اسلام آباد اٹی 55 درسد ناجوڑ ءُ۔ ہنداوڑاٹ ملک انا چار بھلا شار تے ٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاورا ٹی 73 درسد، سوات اٹی 66 درسد، گجرات اٹی 71 درسدو گوجرانوالہ ٹی 85 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 44 ہزار 514ٹیسٹ کننگا، ہرافتیان سندھ اٹی 9 ہزار 404، پنجاب اٹی 17 ہزار 755، خیبرپختونخوا ٹی 8 ہزار 715، اسلام آباد اٹی 5 ہزار 982، بلوچستان اٹی 1 ہزار 19، گلگت بلتستان اٹی 475، آزاد کشمیر اٹی 1 ہزار 164ٹیسٹ اوار ءُ۔ داتم اسکان مچ آملک اٹی کوویڈ۔ 19 آن دراخ جوڑ مروک آتا کچ 6 لکھ 34 ہزار 835مسنے۔ گلگت بلتستان، آزاد کشمیر و بلوچستان اٹی کوویڈ۔ 19نا اسہ ناجوڑ اس ہم داوخت آ وینٹی لیٹر آتیا اف وخت اس کہ مچ آ ملک اٹی کوویڈ۔ 19کن جتا وینٹی لیٹر آتیا 512ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 75 ہزار 266ءِ۔ مچ آ ملک اٹی کورونا دین آن زہمی بندغ آتا کچ 7 لکھ 25 ہزار 602ءِ، ہرافتیان آزاد کشمیر اٹی 14 ہزار 594، بلوچستان اٹی 20 ہزار 321، گلگت بلتستان اٹی 5 ہزار 127، اسلام آباد اٹی 66ہزار 380، خیبرپختونخوا ٹی 99ہزار 595، پنجاب اٹی 2 لکھ 50 ہزار 459 وسندھ اٹی 2 لکھ 69ہزار 126ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 15 ہزار 501ءِ ہرافتیان سندھ اٹی 4 ہزار 530مرک وخت اس کہ تدوک آ بیست ءُ چار گھنٹہ ٹی 1 ناجوڑ اس اُراٹی قرنطینہ ٹی دا دین آن زوال کرے۔ پنجاب اٹی 6 ہزار 988مرک وخت اس کہ تدوک آ بیست ءُ چار گھنٹہ ٹی 15 ناجوڑ ہسپتال آتے ٹی و 1 ناجوڑ اس اُراٹی قرنطینہ ٹی دادین آن زوال کرے، خیبرپختونخوا ٹی 2 ہزار 651وخت اس کہ تدوک آ بیست ءُ چار گھنٹہ ٹی 33 ناجوڑ ہسپتال آتے ٹی دا دین آن زوال کریر، اسلام آباد اٹی ککل 611مرک وخت اس کہ تدوک آ بیست ءُ چار گھنٹہ ٹی 4 ناجوڑ ہسپتال آتے ٹی دا دین آن زوال کریر، بلوچستان اٹی 215مرک، گلگت بلتستان اٹی 103مرک، آزاد کشمیر اٹی دادین آن 403مرک تدوک آ بیست ءُ چار گھنٹہ ٹی 3 ناجوڑ ہسپتال آتے ٹی وخت اس کہ اسہ ناجوڑ اس اُراٹی قرنطینہ ٹی دادین آن زوال کرے۔ داتم اسکان مچ آ ملک اٹی کوویڈ۔ 19 نا 1 کروڑ 7 لکھ 79ہزار 474ٹیسٹ کننگانے۔ مچ آ ملک اٹی کوویڈ۔ 19نا درمان کن جتا 630ہسپتال آتے ٹی 4 ہزار 979ناجوڑ درمان مننگ ءُ۔