اسلام آباد۔ 12اپریل (اے پی پی) روچہ مبارک نا نوک ءِ ہُننگ کن مرکزی رویت ہلال کمیٹی نا اہم دیوان (پگہ) سے شنبے نادے آ ایڈمنسٹریٹر اوقاف نا دفتر عئید گاہ چار سدہ روڈ پشاور اٹی اڈ ہلیک۔ دیوان نا کماشی ءِ چیئرمین مرکزی رویت ہلال کمیٹی عبدالخبیر آزاد کیک۔ زونل رویت ہلال کمیٹی، اسلام آباد نا دیوان وزارت مذہبی امور و بین المذاہب ہم آہنگی ٹی مریک وخت اس کہ صوبائی، ضلع، زونل کمیٹی تا دیوان اوفتا تعلقدار صوبائی، ضلعی صدر دفترآتے ٹی مریک۔ داچرجوئی ٹی ایڈمنسٹریٹر اوقاف الس ءِ معلومدار کرینے کہ نوک ءِ ہُننگ نا بارواٹ شاہدی چیئرمین مرکزی رویت ہلال کمیٹی نا موبائل نمبر 0321-9410041وزارت مذہبی امور و بین المذاہب ہم آہنگی نا ڈائریکٹر جنرل سید مشاہد حسین خالد نا موبائل نمبر 0300-6831822، ڈپٹی ڈائریکٹر حافظ عبدالقدوس نا موبائل نمبر 0333-2697051موبائل نمبر و ممبر سینٹرل رویت ہلال کمیٹی حافظ عبدالغفور ءِ 0300-5947909وخت اس کہ ایڈمنسٹریٹر اوقاف جمال الدین ءِ لینڈ لائن نمبر 091-2043428آہم شیئر کننگ مریک۔ وزارت سائنس و ٹیکنالوجی و محکمہ موسمیات نا رداٹ سے شنبے نا شام اسلام آباد، لاہور، پشاور و کراچی ٹی روچہ نا نوک ءِ خننگ نا پیدوار ءُ گمان ساڑی ءِ و گمان ءِ کہ روچہ نا مبارک آ تُو انا بنا14اپریل چارشنبے نادے آ مریک۔
