بروک آ بیست ءُ چار گھنٹہ ٹی ملک انا گیشتر میدانی علاقہ غاتے ٹی موسم باسن و پِرکپننگ نا گمان، روچہ مبارک اٹی موسم نا خوشگوار مننگ نا گمان ءِ، محکمہ موسمیات

اسلام آباد۔ 12اپریل (اے پی پی) بروک آ بیست ءُ چار گھنٹہ ٹی ملک انا گیشتر میدانی علاقہ غاتے ٹی موسم باسن و پِرکپننگ وخت اس کہ گلگت بلتستان، کشمیر و کیبی مشی آ علاقہ غاتے ٹی ترند تہو و ہورہ و گروک اٹ پڑی پڑی پِر انا گمان ءِ۔ محکمہ موسمیات نا رپورٹ نا رداٹ تدوک آ 24گھنٹہ ٹی ملک انا گیشتر علاقہ غاتے ٹی موسم خشک وخت اس کہ سندھ و سویلی بلوچستان اٹی باسن مسنے ولے کالام، پارہ چنار، مالم جبہ، پٹن، پشاور، بشام، بونیر، کاکول، راولاکوٹ ومری ٹی پِر انا سوب آن درجہ حرارت اٹی کمتی آن موسم خوشگوار مس۔ یات سلے کہ محکمہ موسمیات بروک آ منہ دے اٹی ملک اٹی پِر انا اسہ پین اسپیل اسے نا پیش گوئی کرسا پارینے کہ روچہ مبارک اٹی موسم نا خوشگوار مننگ نا گمان ءِ۔