حکومت کانود ءِ سروکی ءِ واستہ ھمک رنگیں گامگیج چست کنگ ءَ انت،  چاگرد ءِ ھمزوریں تبک ءُ طاقتوریں تبک ءِ واستہ ھمگونگیں کانود ءِ  پد ءُ رند کنگ بہ بیت، مزن وزیر عمران خان ءِ مفتی رحم ءَ گوں تران

اسلام آباد۔11اپریل (اے پی پی): مزن وزیر عمران خان ءَ گوشت کہ حکومت کانود ءِ سروکی ءِ وا ستہ  گامگیج چست کنگ ءَ انت۔ حکومت ءِ اولی کار ھمیش انت کہ   کرپٹ آنی کمکار آنا جوان کنان ءَ گرگ ءُ پنجگ کنگ  بہ بیت، چاگرد ءِ ھمزوریں ءُ طاقتوریں تبک ءِ واستہ ھمگونگیں کانود ءِ استی بہ بیت۔ مزن  وزیر کارگس ء، نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ  یک شمبے ءِ روچ ءَ جامعہ  الرشید کراچی ءِ مہتمم مفتی رحیم ءَ گوں تران کنان ءَ کت۔ گند  ءُ نند ءَ گورنر سندھ عمران  اسعماعیل، اپوزیشن پارٹی ءِ سروک حلیم عادل شیخ، رفیع الدین، زبیر موتی والا، کرنل (ر) عبدالمغنی ءُ خلیل الرحمن ملا خلیل ھوار اتنت۔  گند ءُ نند ءَ مزن وزیر ءَ ریاست مدینہ ءِ ویژن ءِ سر ءَ سرجمیں رنگ ءَ  تران کنگ بوت۔ ایشی ءَ ابید حکومت ءِ کاروباری دوستی پالیشی آنی بدولت ءَ گیشن  ڈنی سرمایہ کاری ھم تران آنی بھر انت۔