کیاسگری کار آنی سر ءَ اچ رنگ ءَ یلوئی نہ بیت، کیاسگری ءِ سیاسی قیمت ءَ را ادا کنگ ءِ واستہ تیار آں، نواز شریف ءِ برطانیہ ءَ اچ کانودی بستار نیست، بیرسٹر شہزاد اکبر

اسلام آباد۔11اپریل (اے پی پی): مزن وزیر ءِ مشیر برائے کیاسگری ءُ تہی کار بیرسٹر شہزاد اکبر ءَ گوشت کہ جہانگیر ترین گوپ ءِ شوگر انڈسٹری ءَ بیست درسد بھر است انت، اے گروپ ءَ بگیر شوگر  انڈسٹری ءِ کیاسگری بوت نہ کنت، شوگر اسکینڈل پٹ ءُ پول ءِ سر ءَ اگاں کسے ءَ را اعتراض انت گڈا آ آمید گس ءَ بہ روت، کیاسگری ءِ سر ءَ اچ وڑ ءَ  یلوئی  بوت نہ کنت، ھمک رنگیں قیمت ءِ دیگ ءَ تیار آں۔ ھر کس ءَ شوک انت مزن وزیر عمران خان ءِ ھلاپ ءَ  دل  یکیمی نہ کنگ ءِ  ووٹ ءَ  بیار ایت، عمران خان ءَ پیسر ءَ ھم دل یکیمی ءِ ووٹ گپتگ ءُ  الس ءَ  را سہرا کتگ ایوک ءَ پارٹی ناں بلکینگ ءَ سرجمیں پارلیمان ءِ دل یکیمی آئی ءِ گوما انت۔ نواز شریف ءِ برطانیہ ءَ اچ کانودی بستار نیست انت۔  آئی ءِ وطن ءَ واتر بوھگ ءِ واستہ برطانوی حکومت ءِ گوما  رابطہ  ءِ توک ءَ آں۔  آئی ءَ جندی ٹی وی چینل ءَ گوں تران کنان  ءَ گوشت  کہ جہانگرین ترین ءِ ناں وارنٹ جاڑی  بوتگ انت ءُ  ناں دزگیر کنگ ءِ حکم جاڑی کنگ بوتگ۔