ملک ءَ احساس پروگرام ءِ گیش بوھوکیں نامداری ءَ چہ سیر لاپیں مردم آنی چاگردی رکھینگی پروگرام آنی سر ءَ دل یکیمی گیش بوھگ ءَ انت، فوڈ ٹرک سروس ءَ چہ دیہاڑی دار ءُ مزور تبک ءِ مردم سیت چست کت کناں، ڈاکٹر ثانیہ نشتر

اسلام آباد۔11اپریل (اے پی پی): مزن وزیر ءِ ھاسیں کمکار برائے گریبی  ءِ ھلاس کنوک ءُ چاگردی رکھینوک ڈاکٹر ثانیہ نشتر ءَ گوشت کہ تحریک انصاف حکومت ءَ پبلک پرائیویٹ پارٹنر شپ ءِ چیر دستی ءَ سرجمیں ملک ءَ  پناہ گاہ ءُ لنگر خانہ آنی  کار رپک ءَ  گیش ودینگ ءِ گوما  سیمی بھر ءَ فوڈ ٹرک سروس ءِ کار ءَ را بندات کتگ تانکہ گیشاں چہ گیش دیہاڑی دار ءُ مزور تبک ءِ مردم سیت چست بکن انت، مردم آنی شرپ ءُ ازت ءِ باز ھیال داری کنگ بوھگ ءَ انت، پناہ گاہ آنی  تہ ءَ ایشاناں ساپیں ایٹماسپیئر ءُ جوانیں وردن ءُ وراک پجاری کنگ  بوھگ ءَ انت۔  یک شمبے ءِ روچ ءَ پی ٹی وی پروگرام ءَ تران کنان ءَ آئی ءَ گوشت کہ بدبھتی ءَ گوستگیں چاگردی ترکھینگی پروگرام ءَ  مزنیں کساس ءَ دُزئی ءُ ڈنگی بوتگ ایشی ءِ سبب ءَ الس باز بد دل بوتگ انت ، استیں حکومت ءَ جوانیں کوشست آنی سببءَ الس ءَ را ھک رسانی بے درویں رنگ ءَ پجاری ءِ مٹ ءَ الس ایمن ءُ دل یکیم بوتگ انت۔  اے رد ءَ گیش کوشست برجا ءُ جاڑی انت۔