تحریک انصاف حکومت ترندی ءِ گوما ادارگ آنی گہتری ءِ ایجنڈا آنی   پد ءُ رندی ءَ کنگ ءَ انت، بنجاھی وزیر برائے کانود ءُ انصاف بیرسٹر فروغ نسیم

اسلام آباد۔10اپریل (اے پی پی): بنجاھی وزیر برائے کانود ءُ انصاف بیرسٹر فروغ نسیم ءَ گوشت کہ تحریک انصاف حکومت ترندی ءِ گوما ادارگ آنی گہتری ءِ  ایجنڈا آنی  پد ءُ رندی ءِ گوما  روگ ءَ انت۔ استیں حکومت ءَ دو سال ءُ نیم ءَ الس ءَ را زوت انصاف ءِ پجاری ءِ واستہ جوانیں  گامگیج  کتگ ایش گوستگیں 70 سال آنی ساھت ءَ اچ کس ءَ نہ کتگ انت، آیوکیں ھپتگ ءَ آرڈیننس آرگ ءَ آں، ایشی ءِ وسیلگ ءَ  ھما پارلیمنٹیرینز 60 روچ ءِ اندر ءَ سوگند چست نہ کناں آ ڈی سیٹ بنت۔  شمبے ءِ روچ ءَ جندی ٹی وی چینل ءَ گوں تران کنان ءَ آئی ءَ گودشت کہ  مزن وزیر عمران  ءِ داتگیں پنت ءُ شون  ءِ رد ءَ  وزارت ءِ کانود  ءَ الس آناں انصاف ءِ پجاری ءِ نظام ءَ را گہتر جوڑ کنگ ءِ واستہ بازیں گامگیج کتگ  ایشرا اسلام آباد ہائی کورٹ ءِ جج آں ھم ساڑاتگ۔  آئی ءَ گوشت کہ ما مراس ءُ زالبول ءَ را میراس ءِ ھک دیگ ءِ  ھوالگ ءَ 60 روچ ءِ اندر ءَ کانود جوڑ  کتگ ایشرا اپوزیشن ءِ ڈلگچار کنگ ءُ ھمبراھ داری نہ کنگ ءِ پد  دو سال ءَ چہ پد اے کانود پاس بوتگ۔