امریکہ ءَ پاکستانی سفارتخانہ ءِ چیر دستی ءَ "لاہور ءِ راجدپتری، دود ءُ ربیدگ ءُ  وردن ءُ وراک ” ءِ بن گپ ءِ سر ءَ ورچوئل ٹور ءِ بندوبست

اسلام آباد۔10اپریل (اے پی پی): پاکستان ءِ سیل ءُ  سوادی ازم آناں سہر اکنگ ءِ واستہ واشنگٹن ڈی سی ءَ  پاکستانی سفارتخانہ ءَ "لاہور ءِ  تاریخی، دود ءُ ربیدگ ءُ جوانیں وردن ءُ واراک” ءِ بن گپ ءِ سر ءَ ورچوئل ٹور ءِ بندوبست کتگ۔ وتی   بنگیجی دانت آنی تہ ءَ ، امریکہ ءَ پاکستانی سفیر ڈاکٹر اسد مجید خان ءَ گوشت کہ اے مراگش پاکستانی سیل ءُ سوادی ازم آنی نماش آنی ھوالگ ءَ سفارتخانہ آنی ویب  کاسٹ سیریز ءِ سیمی قسط انت۔

سفیر ءَ گوشت کہ اے مراگش ءِ مول ءُ مراد ہزارانی سال کوھنیں باغٖ، یاتگیر، مسیت ، مزار ءُ  وش وشیں ورگ   آنی تام آں چہ امریکہ ءَ نندوکیں مردم آناں پجاروکی کنائینگ انت۔  لاہور ءِ جوانیں راجدپتر، دود ءُ ربیدگ، لاہوریوں جوانیں  واھگ ءُ میزبانی  ءُ وردن آنی  تام ءُ وشی  ایش سیل ءُ سوادی مردم آناں اے شہر ءَ المی سفر   کنگ ءِ واستہ مجبور کن انت۔  تاریخی ماڑی آنی شہر لاہور ءِ میزبان ادرگ ءِ ڈائریکٹر جنرل کامران لاشاری ءَ وتی کلیتی گشتانک ءَ پاکستان ءِ دود ءُ ربیدگ  ءِ بستار ءَ چہ لاہور شہر ءِ بستار ءِ سر ءَ چمشانک دات۔

آئی ءَ گوشت کہ لاہور بے دروریں گوستگیں زمانگ ءِ بابت ءَ تران کت۔ آئی ءَ یک مسلی فلم ءِ ھم پیش داشت ایشی ءِ اندر ءَ لاہور ءِ  کوھنیں میراس ءَ را سہرا کنگ بوت۔  والڈ سٹی اتھارٹی ءِ کلیتی کرد ءِ سر ءَ ھم چمشانک دیگ بوت۔  اے مسلی تامر ءِ اندر ءَ  مینار پاکستان، اقبال پارک،  بادشاہی مسیت، حضورری باغ،  باغ جناح، میوزیم، لاہور، لاہور قلعہ، بارود خانہ،  مال روڈ ، میٹرو بس، سفاری پارک، شالامار باغ، چوبرجی، وزیر کان مسجد ءَ ھوار لاہور

فری لانس مصنف  ندکار حنین اقبال، آ وتی سبجیکٹ ءَ لاہور ءَ را سال 2021 ءِ 52 تاریخی سیل ءُ سوادی ھند آنی شمار ءَ کنت آرٹیکل نیوریارک ٹائمز ءِ شنگ بوتگ۔ آ لاہور ءَ پیداک بوتگ بلے آ  کدئی ھم لاہور ءَ نہ نشتگ۔  وھد ءِ آ مزن بوت گڈا واتر لاہور ءَ اتک گڈا آئی ءَ را اے شہر سک باز وش بوت۔

آئی ءَ گوشت کہ لاہور ءِ تر ءُ تاب ءُ لاہور ءِ جوانیں دود ءُ ربیدگ ءِ تجروبت ایشی ءِ واستہ  ءُ ایشی وتی سنگ آنی واستہ یک نوکیں جوانیں تجروبت ات۔   بصری آرٹسٹ ، فوٹو جرنلسٹ ،  پولکار ءُ  اسٹوری ٹیلر فیضان احمد ، جوں کتاب ”لاہور از میٹرو‘ ءِ ھم نبشتہ کار انت، آئی ءَ لاہور ءِ جتا جتائیں  سسا ساچ آں گوں سیادی داروکیں مردم آنی گوما لاہور ءِ جتا جتائیں ھند آنی بابت ءَ تران آنی ریکارڈنگ ھم پیش کت۔ آئی ءَ گوشت کہ لاہور ءِ نندوک  آنی بابت ءَ درستاں چہ گیش سسائی گپ  ایش انت کہ  آ  جوانیں رنگ ءَ مردم آناں وش اتک کناں۔  چاروک آنی جتا  جتائیں گروپ آں  اے  پروگرام  ءَ را چار ات۔  ایشرا سفارت خانہ ءِ آفیشل فیس بک پیج ءِ سر ءَ یک شل ءَ  پیش دارگ ھم بوھگ ءَ ات۔