اے پی پی ءِ پیسریگیں نیوز ایڈیٹر عثمان حمید خان بیران بوتگ

اسلام آباد۔9اپریل (اے پی پی): کلانہ ایں اھوالکار ءُ راجی رسانک در ایسوسی ایٹڈ پریس آف پاکستان اے پی پی ءِ پیسریگیں نیوز ایڈیٹر عثمان حمید خان 73 سال ءِ امبر ءَ آدینگ ءِ روچ ءَ بیران بوتگ آئی ءَ را نماز عصر ءَ چہ پد مغلیہ گارڈن واہ دمگ ءِ قبرستان ءَ کنڈ کنگ بوت۔ ھدا مرزی ءِ نماز ءِ جنازہ ءَ آئی ءِ سیاد ءُ وارس آں ابید آئی دوست ءُ ھمبل آں ھوار بوت انت۔ عثمان حمید خان یکم اپریل 1948 ءَ راولپنڈی ءِ کوچگ واہ دمگ ءَ پیداک بوت۔ آئی ءَ 1968 ءَ پنجاپ یونیورسٹی ءَ چہ انگریزی ءَ ماسٹر ڈگری گپت ءُ انگریزی روتاک نیوز ٹائم راولپنڈی ءُ پی پی آئی ءَ چہ وتی اھوالکاری کیرئیر ءِ بنگیج کت۔ آ یکم فروری 1977 ءَ اے پی پی ءَ گوں بندوک بوت۔ آئی ءَ راجی رسانکی ادارگ ءَ وتی بے دروریں اھوالکاری کیریئر ءِ ساھت ءَ باز ارزشتی ایں رپوٹنگ ءُ ڈیسک ءَ چیف نیوز ایڈیٹر ءِ پرز آنی پیلو کنلگ ءَ ابید جتا جتائیں صدر ءُ مزن وزیر آں ھوار وی وی آئی پی کوریج ءِ زمہ وزری ھم جوانیں رنگ ءَ پیلو کت۔ آئی ند کتیگیں نیوز اھوالتاک آنی برزئی لڑ ءَ چاپ ءُ شنگ بوتگ انت۔ آئی ءِ جوانیں اھوالکاری کرد ءِ ساھت ءَ ڈپلومیٹک کارسپانڈنٹ ءِ بستار ءَ ھم پرز پیلو کتگ انت۔ آئی ءِ جوانیں ازمت آںی پد ءَ انٹرنیشنل آرگنائزیشن آف جنرنلسٹس ءِ چیر دستی ءَ میاں اوستمانی اھوالکار آنی مقابلہ ءَ ایوارڈ کٹ ات۔ وتی کزبی ازمکاری، گل ءُ شاتیں روح ءُ مُج، بچکند نا ایوک ءَ اے پی پی بلکینلگ ءَ اھوالکارانی گل ءَ آ یک جتائیں بستار ءِ دار ایت۔ آ 31 ماچ 2008 ءَ راجی ھال رسانکی ادارگ ءَ چہ ریٹائر بوت۔ اے پی پی انتظامیہ، اھوالکار ءُ ایندگر گل آں آئی بیرانی ءِ پد ءَ گرانیں ڈکھ ءُ اندوھ ءِ درشان کت ءُ دعا کت کہ اللہ تعالیٰ ھدا مرزی ءَ را وتی باگ ءُ بھشت آنی تہ ءَ جاہ بدیات ءُ پشمندگ آناں سگ ءُ اوپار کشی ءِ زکت ءَ بدیات۔