اسلام آباد۔ 09اپریل (اے پی پی) بنجائی وزیر خزانہ، محصولات و صنعت و پیدوار محمد حماد اظہر پارینے کہ کورونا دین انا جہانی دین اتون مون تننگ کن پاکستان نا حکومت نا پامدار و ہدف آ مبنی پالیسی تا نتیجہ ٹی مچ آ دنیا ٹی کوویڈ آن پد پاکستان نا سرکاری وام تیٹی غٹ آن کم ودکی مسنے۔ جمعہ نادے آ راجی رابطہ نا ویب سائیٹ ٹوئٹر آ جہانی مالیاتی فنڈ انا کنڈآن مچ آ دنیا نا زرگزران تا بارواٹی اقتصادی پیش منظر آ تینا بیان اٹی بنجائی وزیر پارے کہ کوویڈ۔ 19 تون مون تننگ کن پاکستان پامدار مالیاتی پالیسی تے تینا کرے۔ پاکستان تاریخی احساس پروگرام نا کمک اٹ راج انا نیزگار و نزور تپہ غاتسکان کمکاری ءِ سرکننگ کن وسیلہ غاتا دُوارہ تخصیص ءِ کرے۔ بنجائی وزیر پارے کہ دا پالیسی تا نتیجہ ٹی کوویڈ۔ 19 آن پد دنیا نا ایلو ملک آتا مقابلہ ٹی پاکستان نا سرکاری وام تے ٹی غٹ آن کم ودکی مسنے۔
