اسلام آباد۔ 09اپریل (اے پی پی) بنجائی وزیر خزانہ، محصولات و صنعت و پیدوار محمد حماد اظہر پارینے کہ تعمیرات نا بشخ کوویڈ۔ 19 نا دین آن زہمی ملکی زرگزران نا زوت بحالی و اقتصادی بڑھوتری نا عمل اٹ اہم ءُ کڑد اس ادا کرینے۔ حکومت تعمیرات نا بشخ انا مون آ دننگ کن تینا عزم آ سلوک ءِ۔ اوداہیت ءِ جمعہ نادے آ داڑے پنجاب نا وزیر محنت انصر مجید خان نا کماشی ٹی سٹون کرشنگ ایسوسی ایش نا ڈل اتون اوڑدہی ٹی گپ وتران کرسا پارے۔ ایڈیشنل سیکرٹری صنعت وپیداوار، ایف بی آر نا باسک آپریشنز و وزارت نا سینئر کمامدارا ٓک ہم داوخت آ ساڑی ئسر۔ بنجائی وزیر حکومت نا کنڈآن تعمیرات نا صنعت کن حکومت نا کنڈآن کروک آ گام گیج آتے مون آ تخسا پارے کہ دانا نتیجہ ٹی تنکی آن پد ہم اقتصادی سرجزآتے ٹی ترندی اٹ ودکی مسنے۔ ایسوسی ایشن نا سینئر باسک آک بنجائی وزیر ءِ سٹون کرشنگ نا صنعت نا اہمیت آن معلومدار کرسا تعمیرات نا صنعت اٹ داکلیدی اہمیت تخوک ءُ بشخ اسے۔ ایسوسی ایشن نا باسک آک بنجائی وزیر ءِ خراج خاص وڑاٹ سیلزخراج نا بابت امور نا بارواٹی معلومدار کریرو دانظام اٹ بے ڈولی و بے وڑی تا چٹفنگ کن گام گیج آتا خواست کریر۔ وزیر خزانہ ایف بی آر ءِ ایسوسی ایشن تون اواری اٹ و غٹ اسٹیک ہولڈر آتا امنائی سلاہ اٹ خراج نا بابت امور ءِ گچین جوڑ کننگ نا پارت کرے۔ ایسوسی ایشن وزارت خزانہ نا ودکی زمواری تے سنبھالنگ آ وزیر خزانہ نا ستاءِ کرے و ایسوسی ایشن ءِ پدریسہ مخ تفی فراوان کننگ آ اونا منت واری ءِ ہرفیر۔
